شعري بجد نعم .. و الكل يسال عن السر .. تعالوا اقولكم!!!!

السلام عليكم و الرحمة
مرحبا الساع :)

ادخل في الموضوع على طول :

بنات انا شعري جاف و كان جد تعبان من الصبغات الي نحطها .. و ما كنت اتوقع ان في شي بيخليه ينعم او في حد بيسال عن الاقل او بيعلق ان شعري حلوووووو؟؟!!! جد كنت ما احب شعري :(


المهم : لكن بعد ما استخدمت شغلات من المنتدى و بالفعل غيرت شعري 180 درجة .. و على فكرة حتى لما حطيت هاي لايت ما اثر في شعري لاني ما وقفت عن الاهتمام فيه ..

بعطيكم جدول صدقوني مفيد:

ينعم .. يطول .. يكثف .. بجد بيتغير 180 درجة ..

كلامي ابد مافيه اي مبالغة والله على ما اقول شهيد


1- احط :
ملعقتين صغار سدر
سمن الصافي ( العلبة الخضراء) معروف في الجمعيات .
الاعشاب ( سابلة و ماسكة و ساق الحمام اطحنهم و احطهم يغلون مع الزيت .. )و اخلي الكمية في الثلاجة حق اي استخدام بعد ذللك .طبعا احط من هذا الخليط مع الخليط الي فوق
بيضة
روب
الشحم الشحم الشحم الشحم!!!!! و بعد ما اذوبه اخلطه مع اي زيت عشان ما تبان الريحة
زيت النارجيل
زيت الخروع
زيت اللوز
كل الي موجود يمشي حالة


الطريقة:
احط من الموجود واذذا شي مش موجود عادي استغنى عنه بس احطة المرة الثانية ..
اما الاعشاب فانصح استخدامها لانها بالفعل غير طبيعيهههههههههههههههههههههه تخلي الشعر فن ..
و بعدها اخليها في شعري لين اليوم الثاني .. و اغسلة بالشامبو .. و غسلة وحدة مش يعني اغسلة و ارد احط شامبو مرة ثانية و اغسلة .. لا بس من المرة الاولى كثري من الشامبو و غسليه و حطي بلسم و خلاص ...

و على فكرة في طريقة مهمة ارجو استخدامه و هي :

انج تجيبي : قطنه و تحطي فيها من الخلطه الي انتي عاملتها .. و بعدها تفرقين الشعر و تحطينه على الفروة او على المفرق بالصح الين تخلصين شعرج كامل و بعدين تحطين على الشر كله..
الي بيجرب القطنه بالفعل بيحس انه ادهن قاعد يدخل بشكل غير طبيعي في الفروة ..


2- اذا استحميت و خلصت و تميت لين فليل و شعري طبعا جف و ما عندي طلعة .. اخذ قطنه
و ابللها بزيت الخروع و افرق شعري من تحت و احط في المفارق من الزيت الي في القطنه
بدون ما ازيت شعري عشان ما يبان شعري انه مزيت حيل ....

3- اذا بسبح احط من نفس الخلطه الي فوق رقم 1- و اخليها الين ما احدد متى بسبح

و اذا سبحت اكون مجهزه حق طلعة مثلا فما احط شي عادي استشور شعروي و بس


4- بعد كم يوم اخذ قطنه و احط فيها زيت اللوز و اوزعها على المفارق بنفس الطريقة و اخليها ليله طبعا من غير ما ازيت شعري كله

5- ماء + خميرة بعد بالقطنه و اخليها في شعري في المفارق طبعا قد ما اقدر و بعدين اغسل شعري ..

6- ماء الخيار اول شي احطه في القطنه و اوزعة على مفارقي بعدين احطه في باقي شعري و بعد اخليه ليله كاملة و بعدين اغسلة

7- زبادي + عسل + زيوت الي موجوده من الي ذكرتها فوق

8- زيت النارجيل مع الثوم .. و على فكرة قللي الثوم اذا تخافين من الريحة و صدقيني بعد الاستحمام بتروووووووووح ..


نصيحة :
هذي الشغلات الي استخدمتها و بالفعل نفعت و بشكم والله ملحوظ .. طول نعومة خيال و كثافة ....
و على فكرة السدر اذا حطيتيه ملعقة او ثنتين صغار ترى ما يغث في الغسيل لاء ابدا ما يلعوز و لا يملل .. بالعكس بسرعة يروح .. و مع التمشيط على طول يروح بالكامل ..