مشكلتكم انكم ذكرتوا سبب المشكلة وبس مادري غافلين عنها او ايش؟
اسلوب الهدايا ماينفع كاني اكافاة على شطانتة
وكثر الدلع هم ماينفع لانك انتي بتضررين اكثر منة
يعني لا ترخي على طول ولا تشدي على طول
خير الامور الوسط0
والمثل يقول00 لاتكن لينا فتعصر ولا قاسيا فتكسر
وفية اساليب وايد على حسب الطفل
يعني فية اطفال الي عمرهم من 5 الى فوق تقدري تتبعي معاهم اسلوب انك زعلانة منهم وما تكلميهم بسبب المشكلة الي عملوها
ومو ترحميهم على طول وتكلميهم خليكي جادة في اسلوبك واتفقي مع ابو الطفل على هالاسلوب 0
وخلي ابوة يكلمة يقولة شفت اشلون امك زعلانة عليك خلاص شكلك بتروح النار لان الي يزعل الماما والبابا الله مايحبة واحنا كمان مانحبة وانا شكلي كمان ماراح احبك لانك زعلت ماما 00000 ومن هالكلام لين ايخلية يروح لك ويعتذر ويوعدك ان مايعيدها مرة ثانية وقبل مايعتذر منك قوليلة ان الله غاضب عليك فلازم تستغفر ربك لانك زعلتني والله مايحب الي يزعل الماما والبابا وخلية يقول استغفر الله ربي واتوب الية عشر مرات على عدد اصابع يدة وبكدة انتي تضربي عصفورين بحجر علمتية على انة اذا اخطأ لازم يستغفر ربة ولازم يعتذر منكم او من الي اخطأعلية
وهذا في نظري اسلوب وايد حلو وفعّال0

طبعا هو طفل وراح يعيد تصرفة مع الوقت بس راح يفكر اكثر لمن يسوس مشكلة ثانية انك بتعاقبية
وكل مرة يعيد نفس المشكلة زودي لعقاب
والعقاب على حسب المشكلة الي يسويها0
وفية اطفال مايتقبلون هذا الاسلوب بالعكس يمكن تعطيهم دافع زيادة لشطانتهم ياخدوها فرصة انك زعلانة وماتكلميهم ويزيدون
فلازم تبحثي على الاسلوب المناسب الي تتبعية مع اولادك
اما اسلوب الدلع الماصخ على قولة هذا طفل مايفهم لا000 هذا الكلام غير مقبول نهائيا
ومو تنسي شئ وخليك فاكرتة ان من شب على شئ شاااااااااااااب علية
والله يوفقنا ويفق الجميع

اثاري كثير مثلي يعانوا من اطفالهم
بالنسبة لأسلوب العقاب جربت كل شئ مافااااااااااااااااد بالعكس زااااااااااااد في عناده وتمرده
وانا مااحب العقاب بس احيانا يخرجني عن طوري
تصدقوا قبل كم يوم رحنا المستشفى قام نام في الارض بطريقة استفزازية ويحك شعره بالارض ويناضر في وكل مااشيله يرمي نفسه زيادة وانا تفشلت الناس يناضروا فينا ويضحكوا <اكتشفت انه يحب يلفت النظر
وبالنسبة لسوبر ناني ماينفع معاه يعني لو اقله اجلس خمس دقايق عقاب في مكان <في المشمش مستحيييييييييييل

ياليت الي تعرف كتب عن التعامل مع الاطفال او اي شئ تفيدنا
ان شاء الله ناويه اشتري كتاب (حاول ان تروضني )<يقولوا مفيد
وربنا يعيننا ويهديهم

عندي بنت عمرها 4 سنوات كانت ما في احسن منها فجأة صارت تشبه ولدك لها كم يوم بس

،؛


ربي يحفظ لكم اطفالكم و يهديهم ...

بحكم تجربتي و لله الحمد عندي اولاد .. اصغرهم عمره سنتين و خمسة اشهر تقريباً

اولاً يا عزيزتي عليك بالدعاء لهم بالهداية و الصلاح ، و البر لك .. و اكثري من الالحاح فيه ..

انا ضد الضرب جملة و تفصيلاً ، و ضد ترديد كلمة ما أحبك على الطفل مهما كان السبب ..
و ضد التخويف بالنار او من الله ... بل على العكس قولي ربي يرضى عن .... او يغضب من .... و لكن لا تجعلي
من تصرفاته تكون نتيجه تخويف من الرحمن الرحيم ...


مع الحنان و التحاور و شرح كل خطوة تأمرين فيها طفلك سواء في المنع منه او الترغيب لـ شيء ..
مثلا يا اختي ايامي أجمل لما كان في المستشفى و تصرف هذا التصرف معك كان قمتي من مكانك و احتظنتيه
بشويش و همستي في اذنه ان الناس تنزعج من تصرفاته و ان الارض تؤذي جسمه و سوف تتسخ ملابسه
و يضحك منك الناس ... و هكذا ولكن بصوت واطي جداً .. و حذراي من انتقاد اي تصرف يزعجك منه
امام اي احد حتى والده و اخوانه و اقرب الناس لكم .. لأنه سوف تترسخ عنده هذه الاشياء و يشعر انه منتصر..

تأكدي حبيبتي أن الطفل يشعر بالسخط و يؤنبه ضميره لو قلتِ له أنا لن اكلمك اليوم لأنك لم تعمل كذا و كذا
و اذا حاول أن يحدثك تجاهليه و لكن نفذي له الاشياء الضروريه كـ الاكل و الاهتمام دون ان تتحدثي معه

و ايظاً لا تسمحي له بضربك حتى و ان كان صغير جداً مثلا كـ عمر سنة لأنه سوف يتعود و لكن امسكي بيده
و قولي له بحزم عيب انا ماما فقط ...

حاولي ان تجعليه يشاركك في تنظيف او ترتيب ادراج الملابس ليس بصيغه الامر ولكن بعرض الخدمة كـ ان تقولي
له : نايف حبيبي تساعد ماما في ترتيب كذا وكذا ... او تساعدني في عجن البيتزا و اجعليه يقوم بتزينها
و رسم وجه بالكاتشب و الزيتون ، سوف يأكل ما يصنع صدقيني ...

لو احببتي تنقدين اي حركة منه حاولي ان تجعليها بشكل قصه عن طفل كان يعمل كذا و كذا و انتقدي الشيء المزعج
و امدحيه خلال القصه قولي لكن انت يا بابا ما تعملي مثله انا اعرفك حبيب ماما شاطر ..

صدقيني التربية شاقة و لكن طول البال و الهدوء في التصرف و اياك من صيغه الامر دون أن تشرحي له لما ..
هذا اقل شيء تقدمينه للطفل من حقهم أن يعفروا لما ..

اشعريه بالحب و لا تضربيه و تتذمري منه امام الناس ..

و اخيراً اسأل الله ان يصلح لي ذريتي ويصلح ذريتك و المسلمين اجمعين ..

رددي ... (( ربي اجعلني مقيم الصلاة و من ذريتي ربنا و تقبل دعاء ))
سيحب الصلاة و يكون بار فيك و بوالده باذن الله ..


وفقك الله لكل ما يحب و يرضاه .. واي سؤال انا موجودة حبيبتي ..





،؛

يعني كلنا في الهوى سوى ولدي في عمر اولادكم

بس اسلوب ولدك مايتكلم ويبكي ويأشر ,,, دا من الدلع لأنه يعرف انه كلامه راح يمشي في النهايه

مثلا لو قالك جيبي لي شي معين ويقدر يروح لكن يبغاكي انتي تروحي كدا من غير سبب تقدري تقوليله انت روح انا ماراح اروح واصري على رأيك عشان يعرف انك جاده حتى لو بكي سوي نفسك منتي سامعه

اتبعي دا الاسلوب في الاشياء اللي تشوفيها غلط ..

ممكن لو غلط تحطيه في كرسي تسميه كرسي العقاب لمدة 5 دقايق راح تشوفي كيف دقيقه مايقدر يستحملها ووضحي له سبب العقاب ايش ؟؟؟
مثلا ماسمع كلامك او ضرب اخوه

يعني نبهيه 1 - 2 -3 ماسمع شيله على الكرسي على طول

ان شاء الله اكون افدتك ولو قليل