قصة الإنتقام لا تفوتكم

الترفيه والتسلية


السلام عليكم
كيف الحلوات ان شاء الله بخير
حبيت أنزل قصتي الأخيرة و قولوا لي رايكم فيها نبدا بالشخصيات
تركي : شاب يبلغ من العمر16 يدرس في الصف الأول الثنوي يحب الدراسة لكنه مهمل بعض الشيء بار بوالديه شعاره في الحياة

( أهرب إذا عصبت عبير:icon33: )

فيصل : شاب يبلغ من العمر 16 سنة في الصف الأول الثنوي صديق لتركي محبوب لكن مشكلته الوحيدة انه يقول الكلمة ما يدري إلا و جايه كف طاير
شادي : شاب يبلغ من العمر 16 سنة في الصف الأول الثنوي صديق لتركي و فيصل مغامر و شجاع يحب كرة القدم
عبير : فتاة تبلغ من العمرعشرين سنة تدرس في جامعة الأميرة نورة محبوبة بين زميلاتها لكن إذا عصبت تتحول إلى دراكولا
رنا : فتاة تبلغ من العمر عشرين سنة تدرس في جامعة الأميرة نورة فرفوشة تحب تشرب عصير كوكتيل صديقة لعبير
عفاف : فتاة تبلغ من العمر عشرين سنة بنت خالة عبير تدرس في جامعة الأمام محمد بن سعود شجاعة تحب تلبس بناطيل جنز

تركي : آااخ يا راسي أحس انه بينفجر
فيصل : ياخي تراك أزعجتنا يعني ما تقدر تسكت ربع دقيقة
تركي : بالله وش تبيني أسوي لي نص ساعة أحفظ تعريف الكتلة ولا فيه فايدة
فيصل : ومسوي لنا كل هالازعاج عشان تعريف الكتلة
تركي : يلا يا شاطر سمعني تعريف الكتلة
فيصل :بصراحة توني ما وصلت له
تركي : أقول وش رايك تسكت قبل ما أسوي فيك جريمة
شادي : أقول وش رايكم تسكتون كلكم أزعجتوني

ترن ترن ترن

تركي : أففف منهو بعد هذا المزعج ع ع ع عبير ألو
عبير : وينك عن الجوال لي ساعة أدق عليك عالعموم بعد شوي برسلك رسالة فيها أغراض ابغاها

( وتبدأ الهوشة )

تركي : يا اختي طفشت 24 ساعة تركي ودني لصديقاتي تركي ودني لالسوق تركي بكرا بروح للمشغل
عبير : أجل وش ودك أغلب اليوم نوم و أكل وطلعات و كشتات
تركي : و الله فله
عبير : أقول .........

طوط طوط طوط

تركي : أحسن طريقة لتجنب الخصم قفل الخط في وجهه
فيصل : وش رايكم نطلع نغير جو شوي
تركي : فكرة حلوة لأني لو قعدت أقرا زيادة بانفجر
شادي : حتى أنا ما عاد أقدر أحفظ شي

( وفي السيارة )

فيصل : هاه وين تبون نروح له
شادي : وش رايكم نروح للكورنيش
فيصل : ألي تبون

( و بعد 7 ساعات )

تركي : هلحين لنا 7 ساعات ما وصلنا للكورنيش ثمن أنا خابر إن ما بين الاستراحة و الكورنيش الا 10 دقايق
فيصل : يرحم أم أمك أسكت هذا هندي خلني أسأله يا صديق صديق
الهندي : نأم بابا
فيصل : وين طريق كورنيش
الهندي : هدا كورنيش بأد 7 ساعة

( ويوصف لهم الهندي الطريق )

تركي : هالحين يا دلخ ما لقيت وقت تظيعنا الا ليلة الاختبار
فيصل : أقول الفقها لين ناصل
شادي :أففف يعني أربع دقايق بدون هواش
تركي : NOOOOOOOOOOO
فيصل : وش فيك زعقت خوفتني
تركي : فيصل
فيصل : نعم
تركي : شادي
شادي : نعم
تركي : يا ويلي من عبير نسيت الأغراض الي وصتني اياهن:icon33:
شادي : عز الله رحت فيها

( وعند بيت تركي )

فبصل : لا تنسى ألي وصيتك ادخل بهدوء عشان ما أحد يحس فيك
تركي : ان شاء الله T^T
عبير : تركييي ليش تأخرت وين الأغراض
تركي : يا ويلي

طخ طع بع آااه توبة طم جف

عبير : أخيرا بردت حرتي
تركي : آااه لازم اذا رجعت للبيت أصفقT^TT^T

( و في قاعة الامتحان )

تركي : آااه يا عيني آااه راسي مصدع من قل النوم حسبي الله عليك يا فيصل ما ذاكرت إلا ثلاثة أرباع الكتاب
( وخلص تركي من ورقة الامتحان )
تركي : z z z z z z z z z z z
الاستاذ محمد : تركي قم تركي تركي

( طبعا شكل تركي توووحفة السعابيل تصب شلالات )

تركي : أففف وخر ابي أنام
الاستاذ محمد : قم جعلك للي مانب قايله
تركي : أأأآااسف

( وعند استلام نتيجة الامتحان )

تركي :
فيصل : انك تاخذ جيد أحسن من انك ترسب
تركي : هاااه اني آخذ جيد أحسن من اني أرسب أصلا أنت السبب فيالي صار
فيصل : و من قالك أصلا ما تاخذ الكتاب معك
و كالعادة :

طخ طع بع آااه فك و أفك طم جف

شادي : يا الله لازم كل يوم يتهاوشون
فيصل : خلاااص ما خليت عظم الا كسرته
تركي : آااه ما عاد أقدر أحرك أصبعي أقترح إنا نسوي هدنة
فيصل : موافق و على فكرة تراني جوعان مرة
تركي : أجل وش رايكم نتغدا بالمطعم
شادي : وانا بعد بموت من الجوع

( و في المطعم )

فيصل : أنت ملاحظ الي أنا ملاحظه
تركي : لا وش فيه
فيصل : تشوف الطاولة الأخيرة حولها أربع أشخاص صح
تركي : صح طيب وين المشكلة
فيصل : أنا ملاحظ إنا من يوم ما دخلنا المطعم وهم يراقبونك
شادي : حتى أنا ملاحظ نفس الشي
تركي : يمكن هم ....
فيصل : من قل بسرعة
تركي : لا لا مستحيل الموضوع له سنتين
شادي : يا بن الحلال قل وش الموضوع
تركي : أقول لكم بالسيارة

( وفي السيارة )

فيصل : بالله قلنا وش السالفة تكفى
تركي : مرة من المرات كان الوالد على المكتب يرتب بعض الأوراق دخل عليه زميله خالد وعرض عليه
انه يوزع معه شحنة مخدرات أبوي رفض وبلغ عنه و حكم غليه بالسجن 7 سنوات يوم طلع من السجن قعد يهدد أبوي وانقطعت أخباره عنا

( وعند بيت تركي )

شادي : انتبه على نفسك ترى ممكن يسوون فيك شي
تركي : لا توصي حريص
عبير : تركي وش فيك خايف
تركي : خايف لا لا ما فيني شي
عبير : و الله ان وراك شي قلي أنا أختك الكبيرة
تركي : لا يا بنت الحلال ما وراي شي و ليش اخبي عنك
( و الله لو درت كان قومت البيت ولا قعدته )

...............

فيصل : هلا تركي وينك الحين ودي نتقابل بعد نص ساعة في الاستراحة عشان نراجع الاختبار
تركي : أنا طالع من البيت ***** الله نتقابل بالاستراحة ... فيصل ساعدني اتركوني وش تبغون مني فيصل فيصل
فيصل : تركي رد علي تركي تركي
أوووه انقطع الخط لا يكونون... ألو شادي تعال بسرعة تكفا نتقابل عند بيت تركي
(يلبس فيصل ملابسه بسرعة ويطلع)

( و عند تركي )

تركي : وش تبغون مني اتركوني قبل إن تندمون

( يدخل خالد زميل أبو تركي )

خالد : ابي أنتقم من ابوك
تركي : وش تبغا من ابوي يا حقير
خالد : أنت الحقير وانت الي بتدلني
على المكان الي يحفظ فيه ابوك الأوراق المهمة الخاصة بالشركة
تركي : مانيب معلمك بأي معلومة عن مكان الأوراق وما علي من الي تسويه
خالد : طيب وش رايك تعلمني أو اني أفرغ رصاصات هذا المسدس براسك
تركي بتوتر واضح : سو الي تسويه ما علي منك
( يطلع خالد سكين من جيبه و يجرح تركي مع خده)
خالد : هذي هي البداية بس يا شباب اظربوه لين يعترف و يطلع من الغرفة ويقفلها
تركي : سو الي تسويه مانب معلمك بشي آااه بس وينك يا فيصل
( في بيت تركي تدخل عبير متوترة على صديقاتها )
عبير : يا بنات اخوي تركي ما رجع للبيت للحين
رنا : هدي نفسك شوي يمكن طالع مع اخوياه شوي ويرجع
عفاف : رنا صادقة ثمن هو دايما يتأخر يعني عادي
عبير : بس احس انه صار له شي
عفاف : أقول خلي عنك التفكير و اشربي هذا الفنجال

( وعند فيصل )

فيصل : و أخيرا وصلت لبيت تركي
شادي : بالله قلي وش السالفة تراك روعتني
فيصل : تركي يا شادي تركي
شادي : وش فيه تركي تكلم بسرعة
فيصل : اليوم كنت أكلم تركي كل شي عادي بس بعدين قعد تركي يصرخ اتركوني وش تبغون مني حاولت اكلمه بس انقطع الخط
شادي : طيب من وين نبدا
فيصل : وشو هذا .... هذا جوال تركي و هذي نظاراته عاد تركي ما يستغني عنها
شادي : يبدو إن فيه احد أجبره انه يركب سيارة و هو حاول يقاوم بس شكله ما قدر يهرب آااه بس وينك

( وعند تركي )

تركي : أخيرا طلعوا آااخ ما عاد اقدر أتحرك خخخ يحسبون اني بعلمهم بشي هه من سابع المستحيلات آااه بس وينك يا شادي وينك يا فيصل أنا تعبت ثلاث أيام تعذيب في تعذيب أكيد ان امي و ابوي الحين خايفين علي حتى عبير أكيد خايفة علي ههههه ياما تهاوشت أنا و اياها

( و في بيت تركي عبير عند صديقاتها تبكي )

عفاف : خلاص عبير ذبحتي نفسك بالبكا البكا مهب مرجعه
رنا : عفاف صادقة ثمن افترضي انه ما رجع ـ لا قدر الله ـ بتقعدين تبكين عليه لين تموتين
عبير : أنا أبغا أدري وش صار عليه هو حي أو ميت بس لا حول ولا قوة إلا بالله

( وعند فيصل و شادي )

شادي : طيب من الي بيسوي بتركي كذا أنا من يوم ما عرفته وهو ما كد غلط على أحد
فيصل : عرفت وين ممكن يكون
شادي : طيب قل بسرعة الولد ممكن يموت
فيصل : قبل إن يختفي تركي بفترة قالي إن شركة صديق أبوه خالد على أطراف المدينة هي شبه مهجورة و لا و ازيدك من الشعر بيت سمعت إن صاحب الشركة كان تاجر مخدرات
شادي : يعني تتوقع إن تركي هناك
فيصل : ما فيه احتمال غيره توكلنا على الله

( وعند خالد )

خالد : أففف مليت من هذا الولد شكل ما عنده نيه يتكلم
أسامة : أقترح إنا نقتله لأنه لو هرب بنروح بداهية هذا على غير انه عرف إنا تجار مخدرات
مروان : أسامة صادق أصلا حنا قاتلينه قاتلينه اعترف أو ما اعترف و ما حنب خاسرين شي

...............

تركي : أنا مليت أبي أطلع من هنا شااااادي فيصاااااال أنا هنا تعالوا تكفون ساعدونييي

( يدخل خالد على تركي ومعه مسدس )

خالد : تصرخ ما فيه أي مخلوق هنا يسمعك


( تركي يتحامل على نفسه وياقف )

تركي : هه بتقتلني اقتلني أنا مانب خاسر شي أنت جبان تبغا تسكتني عشان تخبي الحقيقة عن الناس أنت إنسان حقير تقتل أي أحد عشان ما تنكشف
خالد : آاااااه أنا مليت منك مليت

( يصوب خالد المسدس لتركي )

شادي : لااااااا ( و يدف خالد لكن الطلقة جت في كتف تركي )
فيصل : وهذا المسدس و صار معي
أسامة : أي حركة ما عاد انتم شايفين صديقكم هه مسوين لي فيها شجعان
تركي : أهربوا و خلوني ما عليكم مني
( يغمز شادي لفيصل طبعًا فيصل فهم وش يقصد )
(يقرب خالد و مروان من فيصل و شادي عشان يمسكونهم ! أما أسامة بتل ماسك تركي )
شادي : يلااااااااااه
( و صارت مظاربة قوية بين خالد و مروان و فيصل و شادي )
تركي : لا أبعد عني ما أبغا اتركني فيصل شادي
أسامة : عشان ثاني مرة تعرفون
من تتحدون
( ويهرب أسامة بالسيارة و معه تركي )
شادي : لا لا تكفا خل تركي لااااا
فيصل : ما فيه فايدة لازم نطارده بسيارتنا
تركي : يا الله هالحين ما لقيتوا أحد تحسرون فيه إلا أنا
أسامة : أنت مالك حق إلا انك تسكت
تركي : يا الله إنسان استفزازيييي

( بوووووووم )

فيصل : ييي أصبت الكفر
شادي : أنزل بسرعة يله علشان ما يمديه يهرب
( يمسك أسامة تركي و ينزل من السيارة )
أسامة : وقفوا لو شفت أي حركة أرميه من على هذا الجبل
شادي : لا إلا تركي ( ياقف شادي و فيصل يائسين بدون أي حركة )
تركي : جباااااااااان تهددهم لأنك ما تقدر تدافع عن نفسك آاااه أكره هذا الجنس من البشر أنت إنسان حقير تسوي أي شي عشان مصلحتك
( يظرب تركي أسامة بأقوى ما عنده فطاح أسامة على الأرض يركض شادي و يفك الحبل الي على تركي و يحاول يساعده عشان ياقف أما فيصل فطلع المسدس وصوبه على أسامه علشان ما يهرب و اتصل على الشرطة و سلم أسامة لالشرطة )
تركي : شادي آااااااه
شادي : تركي رد علي وش فيك فيصل اتصل على الإسعاف
فيصل : ليه وش فيه ليش خايف
شادي : تركي ما يرد علي
فيصل : ألو ......

( وفي المستشفى )

تركي : آاه راسي وين أنا أووه صح بغيت أنسا يووووه اليوم اختبار رياضيات
عبير : أخيرا صحيت لك 5 أيام هنا
عالعموم أبغاك تقولي القصة كاملة
تركي : القصة هي ......
عبير : أهم شي انك رجعت لنا صح أصحابك برا ينتظرونك
تركي : خلاص خليهم يدخلون
فيصل : أهليين أخيرا قمت يا بطل ما تدري قد ايش كنا خايفين عليك
شادي : الحمد الله على السلامة خوفتنا عليك يا رجال
تركي : يا هلا فيكم بس عندي سؤال أنتم مين
فيصل : عز الله خرف الرجال
تركي : ههههه بالله عليكم وشلون أنسا أعز أصدقائي و على فكرة وش صار على خالد وأسامة و منصور
شادي : أنا أعلمك أما أسامة قبضوا عليه و الباقين هربوا

تركي : يعني المشكلة ما حلت إلى الآن
فيصل : أقول بس غيروا الموضوع
على فكرة هذي نظاراتك يا تركي شكلك يظحك مرة هههههه
تركي : اييييه بس لو اني أقدر أقوم كان كفختك تكفيخ
شادي : يا الله لازم كل يوم يتهاوشون

}تمت{


8
736

يلزم عليك تسجيل الدخول أولًا لكتابة تعليق.

تسجيل دخول

مزآآجيه
مزآآجيه
مشكوووووووووره
يسعدني اني اكون اول من رد عليتس
ضــي القمــــر

حللللللللللللللووووووه

تسلـــمين يا قمــــر

^_^
شذى الوووورد
شذى الوووورد
يسلمو
>&quot;عاشقة الهدوء&quot;<
القصه جنننننااااااااااااااااااااااااااااااااااااااااااااان
يصلمووووووو
أروانا
أروانا
وااااو اكشننننن،,.