أول مرة بشتري مكياج ساعدوني

انشالله خبيرات المكياج مايقصرون معك

up

وعليكم السلام ورحمة الله وبركاته ..

كـ بداية ما انصحك تكثرين .. كل فترة اشتري لك كم شي ..

ولا تشترين من بودي شوب ..
أنا ابقولكم وش تشترين ومن اي ماركة .. وان شاء الله باقي البنات يفيدونك ..

أولاً شي لازم تشترين كريم مرطب مناسب لبشرتك ..
لأن مافي أي ميك آب بالعالم يضبط بدون ترطيب البشرة كويس ..

ثانياً نيجي الحين للميك آب :

بالنسبة للبيس .. تقدرين تستغنين عنه وتقدرين تستخدمينه مع الفاونديشن او بدونه على راحتك
فائدته يهيء البشرة للميك آب .. ويعطي لون خفيف .. بالنسبة لي ماهو مهم لدرجة كبيرة
الأفضل هو من ميك آب فور ايفر Corrective Make Up Base



واختاري اللون اللي تحسين بشرتك ناقصته ماهو اللي مثل لون بشرتك لأ ..

-----

بالنسبة لـ كريم الأساس أو الفاونديشن انصحك تجربين اللي من ميك آب فور ايفر السائل ..
FACE & BODY Liquid Make-up عاد أنتي اختاري الدرجة اللونية المناسبة لك ..
حلو وخفيف وسهل الإستخدام .. امممممم أحسه مناسب لك .. وهذه صورته



-----

وحتى كريم الإضاءة حلو اللي من ميك آب فور ايفر .. مرة يعجبني .. أنا آخذه اللي على ذهبي
بس أنتي اختاري الدرجة اللي تناسبك .. ذهبي .. برونزي .. وردي ..
make up for ever diamond crème
بإمكانك تخلطينه مع كريم الأساس أو تحطينه بعده كله حلووو .. هذه صورته



-----

بالنسبة للباودر .. أنا أحب اللوس باودر ( السائبة ) ما أحب المضغوطة أحسها مرة ثقيلة ..
جربي اللي من كلارينس لوس باودر رقم واحد .. ممتازة وتناسب جميع أنواع البشرات ..



-----

عاد الحين الوقت تأخر .. بكرة اقولك على البقية من بلاشر وشدو وغلوسات واللي تبين ..

حبيبتي فري بالمنتدى بتحصلين موااضيع واايد مكتوب فيها احسن انواع المكياج
..
واكتبي اساميهم وارقامهم واسعارهم في ورقة
..
وروحي السوق واشتري اللي انتي تبينه
..
من منظفات للبشرة وكريم اساس وبودر وبيس وظلات وارواج وقلوسات ... الخ
..
وبالتوفيق وطمنينا

شكراً لك آمونه المزيونة
وإيش كمان أشتري