افضل دكتور توفيق جعفر في الحبيب

افضل دكتور توفيق جعفر في الحبيب

انا كمان ودي اعرف دكتور او دكتورة يعملوا تلقيح صناعي او مجهري

بجدة و ياليت يابنات تدونا اسعارهم ما نبغى نروح و ناخذها على روسنا


انا عرفت ان سمير عباس يعملوا الانابيب و التلقيح المجهري بـ 14 الف

و التلقيح الصناعي بـ 3 الاف

بس انا ابغى تجارب البنات

و يارب يا كريم ما يحرمنا من الذرية الصالحة


wekanama
مبروك يا قلبي و الله اني فرحتلك كانك صحبتي و يارب تجيبي احلى بيبي
لان صحبتي لها 6 سنين متزوجة و الامل بالله كبير


حبيبتي هذي الدكتورة في جدة و بكم عملتي التلقيح

و كم لازم يكون عدد الحيوانات المنوية

الله يرضى عليكي جاوبيني

اهلين اخواتي ... حبيبتي انتي فين ساكنه عشان يفيدونك البنات ..

انا بجده وسويت قبل اسبوع تلقيح صناعي عند البروفيسور حسان عبدالجبار وان شاء الله نتيجتي الاحد يارب حامل يا رب...
كلفتني 3400 ريال 1500 الحقن الصناعي 500 تنضيف الحوانات المنويه وتنقيتها واختيار احسن شي1000 ريال الابركل يوم ابرة بي 100 ريال لمده عشر ايام و400 ريال كشفيه مرتين مع المراجعه عشان كشفيته بي 200 ريال ...فقط لا غير اه نسيت 31 ريال الابرة التفجيريه ...

ومرة مرة مرة سهله العمليه مو على قد ما كنت مرعوبه وكل المستشفى تمدح حسان يقولو حالات عقم صعبه وبأذن الله حملو من ايده بس طبعا كله مكتوب من عند ربي ... وما عنده لعب يعني تحتاجي شي يقولك ما تحتاجيه يقولك لا ما ينفعلك ...مو زي هشام عرب اللي كان يبغا يسويلي عمليه عشان التكيس:mad:.. يوم رجعت لحسان قالي حرام ما تحتاجي ..

اتوقع ان زوجك يسوي تحليل والدكتور من التحليل يقررلك ايش تحتاجي يا صناعي يا انابيب يا منشطات فقط...

وطبعا راح يكشف عليكي انتي كمان .. وانا اللي يريحني انو يكشف من البطن مو من تحت عشان فيه دكاترة كل كشفياتهم من تحت ..وانا من النوع اللي مرة خوافه..

وكمان يمدحون عثمان سندي بالتخصصي ..بس انا ما جربته بس اعرف وحده معاه تسوي انابيب بس ما نجحت كله من ربي طبعا ..بس اللي حلو فيه انو يقولك داومي على الاستغفار يذكرك بهذا الشي دايم الله يجزاة خير....

الله يفرحنا ويفرحك يارب بالذريه الصالحه لا زياده ولا نقصان .......

للرفع لعيونك ...............