(((((((.......الى من مرت بهذه الـــمـــشكـــلـــه قديما او حديثا ......)))))))))

السلام عليكم..
عزيزتي أنا مريت بشئ نسميه ( ضيقت الصدر )
ايش اسبابه : حسب معلوماتي هرمونات متلخبطه ، حياة جديدة ، مسؤلية منتي متعوده عليها ، زوجك يكون بعيد عنك ، صراخ الطفل من غير ما تعرفين وش الأسباب ، الفراغ أغلب الوقت وخاصة بالليل.
كيف عرفته : ما يبله عرف تحسين نفسك تبين تبكين وما تدرين ليه ، أو ما لك خلق للبيبي ( تكرهينه )
كم قعد معاكي : أسبوعين بس ما هي متصلة بمجرد ما تخف ألآم الخياطة تتحسن نفسيتكي.
كيف تعالجت منه : هو من حاله راح.
ونصيحتي للأخوات : ذكر الله ، سماع القرآن ، مشاهدة القنوات الدينية ، تطلبين من زوجك يكون قريب منك إذا حسيتي نفسك محتاجته
هذى تجربتي
تحياتي

مشكووووووووووووووره على هالمعلومات حبيبتي

الله يبعده عنك ولا يرجع لك ان شاء الله ..............كلامك حلو ومفيد شكوره يانونو كونن
ام الطيب مشكوره على المشاركه

أنا مريت فيه بس بقوووووووووة

في بنتي الاولى تعبت كان حملي صعب زدت 27 كيلو ! و صارت حركتي صعبة و زوجي كان بعيد يدرس بأمريكا
أهل زوجي كانوا مو متفاهمين معاي و حالتي جدا صعبة

بالولادة : ولدت بمستشفى خاص و كنت صغيرة و مو فاهمة ! أذكر اني بحكم صغر سني و قله خبرتي صممت على أغلى غرفة بالمستشفى (سويت ملكي): طبعا كانت مشكله !زوجي ليما الحين طالب و الدخل مو قوي بس عداها لي ووافق بس أهله مو راضين!

الولادة:طلق صناعي 10 ساعات !!!!!!!!! صناعي مو طبيعي ! لا كمام نافع ولا أبر تخفف ! والمشكله العيون ورمت و الشعر انتكش !! دمعت عيني و انا أذكر الحين

ما أطولها عليكم ولدت بنتي و كانت كبيرة بسم الله عليها طبعا لزيادة وزني الرهيبة و أكلي المستمر :) فالخياط له أول ماله آخر !!

و صارت مشاكل بعد الولادة عالاسم و الغرفة وووووووووووووو

والله يا خواتي ظليت فترة الاربعين بس أبكي بس أبكي! بنتي كرهتها ولا أبي أشوفها
لا رضعت ولا سهرت معاها !
أمي حبيبتي تكفلت فيها

كل النفاس لا أدوية آكل و لا اكل آكل! و أبكي!!!

زوجي يكلمني من أمريكا ما أقدر أكلمه!! من البكي و الدموع
وهو مو عارف شيسوي وده يهد اللي عنده و ييجي!

اهله الله يسامحهم يدقون عليه و يحشون قلبه علي و هو طاح بين نارين!!

نزل وزني 25 كيلو بشهر واحد!!! والله انه الدكتورة طقت على راسها مو مصدقة النزول!

و طبعا كرهي لبنتي بدأ يقل مع الوقت و صرت أشيلها شوي شوي بس ليما الحين ما أرضعها ولا أنام جنبها!

استمر وضعي شهرين! زاد الطين بله امتحاناتي ! أووووووووووووووووووووف ما راح نخلص :)

المهم الامر تفاقم الدكتورة كتبتلي على حبوب للاكتئاب خذيتها لشهر واحد بس ! نفعت و هدت النفسية بس أمي خافت أتعود عليها


بس ! شهرين كانت من أصعب شهور حياتي:(

بعد هالمرة قررت الاتي:
-ما أولد الا و زوجي جنبي أو موجود معاي
-ما أصمم على أمور سخيفة ترهق زوجي عالفاضي عشان أرضي الناس بس و في النهايه حسد و دين!
-أولد قيصري دايما :) بعد بنتي الثانية (اللي ولادتها صعبة بعد) قررت هذا القرار و الحمدالله ولادة ولدي القيصرية كانت أفضل قرار بحياتي
-أرضع طبيعي مهما كانت النفسية والوضع الصحي لان الرضاعة توصد العلاقة بين الام والبيبي و ترفع معنوياتك و انتي لامة البيبي و تشوفين وجهه و هو يطالعج (وااو أحلى شعور بالدنيا)

الحمدالله في بنتي الثانية فعلا تعبت كثير بس وجود زوجي خفف وااايد نفسيتي
و بولدي الحمدالله كانت أحسن ولادة

طبعا بنات أنا ما أحرض عالقيصري لا أحد يفهمني غلط! أنا أتكلم عن تجربتي ! الولادة الطبيعية هي الافضل بالنسبة لمعظم الحريم ! بس في بعضنا ما ينفع له الا القيصري و هذا كلام الدكتورة تقولي ما شاء الله تبارك الله رحمك يربي البيبي و ينزل كبير و وولاداتك على هالاساس متعسرة! فالقيصرية أفضل

علاقتي مع أهل زوجي على فكرة الحين ممتازة اهي كانت فتره و عدت

تكلمت كثير
بس والله انتي جيتي عالجرح القديم و فتحتيه :)

سلامي للجميع والله يبعد عنكم اكتئاب النفاس

شكرا ياسارونه وان شاء الله تقومين بالسلامه بدون مشاكل في هذا الحمل