خواتي ... بفتح صالون.. وابغي رزقي يكون حلال

السلام عليكم ورحمة الله وبركاته

خواتي العزيزات

انا انشالله بصدد افتتاح مركز تجميل نسالئي

وابغيه يكون بعيد عن كل ما فيه معصيه لله

يعني ابغي رزقي يكون حلال انشالله

عشان جذه قررت طبعا اني ابتعد عن الحلاوة و الحف والوصل طبعا

بس كثير من اللي حولي قالوا ليش ما تسوين الحلاوة بحدود المباح

يعني ال وحدة اذا دخلت الصالون تحتاج كل شي يكون متوفر

عاد انا سمعت هذا التعليق من كذا شخص عشان جذي قلت استشيركم؟

يعني اسوي الاشياء بحدود المباح

انا اشقر حواجبي مثلا

وسمعت من كذا شيخ دين انه حلال
فممكن اسوي تشقير الحواجب فقط

ولو اني بصراحة افضل ابتعد عن الشبهات يعني ما فيني اخذ اثم غيري

خبروني بليييييييز عن رايكم

انا قلت بركز على الشعر و المكياج والاظافر و المساجات

والرزاق هو الله

يعني ما يت على حلاوة والا تشقير بس حبيتكم تقولون لي أراكم اكيد في حريم وايد مثلي يعني فتحوا صالونات بدون ادخال المحرمات


اترياكم:)