رمضان والتحدي

بسم الله الرحمن الرحيم

السلام عليكم ورحمة الله وبركاته

كيف حالكم حوائيات :happy:

هذي اول مشاركة لي وراح ابدأها بالتحدي
:35:
شرايكم نتحدى الوقت في شهر رمضان ونخليه للعبادة
ونخلي رمضان هالسنة نقطة تحول؟
الله يبلغنا الشهر الكريم اجمعين لافاقدين ولا مفقودين ان شاء الله

مثلا نتحدى وقت المطبخ ونقلله على قد ما نقدر
حتى اللي عندها خادمة مسلمة ممكن تحاول تخفف عنها وتاخذ أجرها

مثلا
ـ ممكن استعمال اواني بلاستيك من صحون وملاعق وكاسات
وراح نوفر كثير من وقت غسيل الأواني ونوفر طاقة الجسم للعبادة
(وحدة من قريباتي تسوي كذا وخصوصا انها ماعندها خادمة )

ـ نسوي جدول لوجبات الفطور لكل يوم حق الشهر كله وتلتزم فيه
ومانزيد عليه (لأن الصايم يشتهي ونقعد نتذكر العصر وش نسوي بعد )
ممكن الوجبة تشمل الطبق الرئيسي والشوربة واللقيمات والسمبوسة
وطبق حلو وطبق مالح ثانوي .. عاد كل عائلة وذوقها ..

ـ ممكن عمل الشوربة ليومين

ـ نحضر الأكلات اللي ممكن نجميدها قبل رمضان

ـ ممكن نسلق اللحم أو الدجاج بكمية تكفي وجبتين مثلا



ـ بالنسبة لغير المطبخ .. الأسواق نحاول نشتري مانحتاجه
للعيد وغيره قبل رمضان

ـ التلفزيون : شرايكم نسوي اضراب عن مشاهدة التلفزيون أو على
الأقل نقلل وقت التلفزيون على قد ما نقدر



هذا اللي في بالي الحين وياليت اللي عندها
اقتراحات تتحفنا فيها وتنورنا جزاها الله خير