ولهت عليكم حبايبي لكن ما منعني عنكم الا..................

السلام عليكم ورحمة الله وبركاته

انقطعت عنكم فترة فما ادري شخباركم :) اللي ولدت الحمدلله على السلامة ومبروك ما ياك :26: واللي حملت الف مليون مبروك وربي يثبت حملك:26: واللي اجهضت الف سلامة عليك وربي عوضك يارب :26: واللي تنتظر الفرج من الله انها تحمل رب يفرج عليك ويكتب لك الحمل الثابت الطيب يارب :26:

قصتي باختصار تاخرت الدوره يومين والدكتوره قالت اني حامل لكن حمل ضعيف لان نزلت الدوره وقالت لي اترك المثبتات ونزلت عليي الدوره 11 يوم تخيلوا لكن الدم كان خفيف وكنت احس بالام بصدري وتغير بصدري فشكيت بالامر قلت بعيد تحليل الحمل واهني كانت الصدمه ان التحليل وصل بالالاف والنسبة طبيعيه!!! خفت افرح وانصدم لاني تذكرت الدم 11 يوم ( طبعا انا عدت التحليل بعد ما وقف الدم يومين ) رحت المستشفى قسم الطوارئ والدكتوره باركت لي:hahaha: فقمت اضحك قلت لها انا نازل عليي دم 11 يوم ودكتورتي اكدت انتهاء حملي قامت تحسب دكتورة المستشفى وتفكر جان تقول بس نسبة الحمل تدل على انك بخامس اسبوع وفعلا انتي بخامس اسبوع !! لازم تعملين سونار وللاسف ما كان عندهم سونار كان الوقت متاخر ورحت مستشفى ثاني وعملت سونار وشفت النطفة بعيني لكن وييييين؟؟؟!!!! نازله كلش بالطيح وقالت لي طبيبة السونار ان الحمل كان قاعد يكبر لكن لان كان في دم ما ثبت سبحان الله ، ورحت البيت وبعدها بيووووم ااااااااااه من هاليوم صار معاي نزيف يومين يارب ياكريم يبعد عنكم هالشي ويثبت حملكم ودخلت المستشفى ونزلت مني اشياء عجيبة غريبه والم ودربات وقروروا يعطوني كيسين دم تخيلوا نسبة دمي وصلت بالخمسينات ورفضت اخذ الدم وطلعت على مسؤليتيي والحين صارلي يومين في بيت اهلي حالتي تعبانه وادوخ واطيح ورقعه بقلبي كل هذا بسبب قلة الدم والنزف الشديد اللي صار معاي لا حول ولا قوة الا بالله لكن مع كل هذا ما اقول الا الحمدلله رب العالمين الحمدلله رب العالمين والف حمد وشكر اني ضقت حلاوة خبر حملي كم يوم:) ورب العالمين كريم كرريم كريم رحييم بعباده وماا بتلانى الى ليعافيني وما منعني الا ليعطيني ولا امرضني الا ليشفيني الحمدلله رب العالمين اللهم اجرني في مصيبتي واخلف لي خيرا منها وكل شي من رب العالمين حلو ولازم نرضى بقسمة الله وقدره علينا انا مو حزنانه على اللي صار معاي لاني على يقين ان رب العالمين راح يكرمني يوم من الايام ويكرم كل محرومه اللهم امين وكل ابتلاء نحتسب اجره عند الله سبحانه ونطمع من وراه تكفير لذنوبنا نستغفرك يارب من جميع الذنوب والخطايا ونتوب اليك .

حبيباتي ادعولي اني اقوم بالسلامة وترد صحتي احسن من اول وربي يطعمكم فرحة الحمل ويكتب لي ولكم الحمل الثابت والذرية الطيبة الصالحة اللهم امين لي ولكل محرومة من منتدى عالم حواء ومن امة محمد امين يارب العالمين.