بدخل بالموضوع على طول وياليت الردود تفتح النفس لما اقراها لان الي فيني يكفيني سواء من وجع وهموم بس ما اعرف وش سببها ومع ذالك الحمدلله ، الموضوع طويل شوي للي حابه تقراه كامل عشان محد يدرعم ..
السالفه ومافيها زوجي انسان محافظ جدا وكان يكره جنس حواء كامل < تقريبا زي اخوي بالضبط 😢> المهم حتى كان يقول لامه وخواته قبل الزواج اكثر الحريم فالنار وانو اول زانيه فالاسلام حرمه < وبذات يكره قبيلتنا .. قبيله غامد .. وزي ما تعرفو اول زانيه بالاسلام غامديه ^ على قولته 😁
المهم انو شايل على الحريم بشكل وهو كان مملك قبلي وهذي البنت كسرت قلبه بالرغم انه ما كان يحبهاا وانو ما ارتاح لهاا ولا راح لديره عشان يشوفها - لانو ساكن بجده وهي بالباحه - وهي يتيمه وزوجي حن عليها من اسلوب ومعاملة اخوانها وبرضو ما تدخل لين دقت عليه وقالت له انت مو رجال وانت موو زوجي ليش ما توقف معايا وزوجي من النوع الي على طول يدق الصدر وقال اكيد وكلم الحرمه الي كانت واسطه بينهم وقالها قولي للبنت انا بسوي الفرح على طول واخذك - صارت مشاكل هالفتره كثير ما بقولها لانو طويله الهرجه- والبنت تبرت من زوجي وقالت انا شوري بيد اخواني وانا معاهم وكذا زووووجي انكسر ليش تسوي كذا فيه وكانت حتوصل قتل بينه وبين اخوانها . اخذ حقه وطلقها وبعد سنه كامله حاولو يزوجونه رفض رفض تااام ولاكنن بنت خالتي واخته صديقااات مره وبنت عمه واخوياا متزوجين انو صارو من العايله فاهمين ؟؟ المهم بنت عمو كلمت امه وقالت لها عني واني مريت بنفس ظروفه واني انكسرت من خطيبي وكذا ومدحوني من ناحيه طيبتي وضحكتي وشافتني امه وحاولو يكلمونه بالبدايه مارضي لين جت اخته وقالت له لاا تردني هي بنت خاله صحبتي ونعرفها انت شوفها لو ما عجبتك خلاص .. تمت الشوفه والزواج وكل شيء الحمدلله - من هنا بدات معاناته ومعاناتي
للامانه كان متضرر من اسلوب اهلي معاه ومن غبائي لانو ماكنت فاهمه تمام وعندي صعوبه شديده فالفهم يعني اقعد شهرين وبعدين افهم كلامه الي قاله لي .. وانا بعد 10 شهور بديت افكر بعقل وما اخلي اهلي يدخلون بيتي لانو كل ماجوني يسون بيني وبينه مشكله ويزعل مني .. المهم والله جت فتره وانا تمممممام وكل شيء تغير للاحسن
بس لازم من بعض المشاكل العاديه.. وهو من ثاني شهر وده احمل وماحملت للحين
جت فتره يقول لي انو لو انتي مرتاحه كان حملتي بس كل بالك عند اهلك و و و وانا كنت ابكي وانقهر .. كان وده اني اتناقش وازعل بس انا اعرف نفسي ما ابغاا ابين هالطبع فيني وكنت ساكته وبس ابكي الحين بكلامه غيرني صرت اعصب واقول كلام ماودي اقوله صح مو كبير بس كلامم احس لو انقال لي بنجرح بس هو خلاني كذااا والله
مو بيدي حاولت اني ارجع زي اول مستحيل
وصرت ازعل كثير وابكي كثير < صايره حساسه على اي شيء .. وهو له اسبوع من جتني الدوره كاره جلسته معاي وكاره يكلمني والله تغير كثير معاملته كانت ولا اروع الحين ما سرت اعرفه وربي يجي ياكل وينام او يطلع لين وقت النوم
مع العلم ما سويت شيء له وقاعده اتذكر وش صار ماصار حاجه .. وهو يكره الواتس اب وكان يقعد ب 4 ايام ما يدخل الحين صار يوميا يدخل وكل شوي هو داخل
ويفتح الجوال لما اكون بعيده لما اجي يقفله
مايرضى افتح جووواله والعكس هو يفتح جوالي يشوف مين رسلي وكذا
انا قلت له زمممان افتحلي الجوال ابي اشوف حاجه ما رضي وحاولت ممصر مايفتحه وامس جيت الغرفه لقيت الجوال بيده شوي نزله ولما رحت رجع فتحه قعد شوي عليه وقفله وانا مقهوره وجالسه ابكي وراح نام بعد دوامه وخلاني والله قلبي واجعني
اخاف يكون متعرف على وحده ماخذه قلبه محقدر اتحمل لانو وثقت فيه ثقاء عميا واخافف يكسرني بعدد هالثقه وهالمره ابد ما بتحممل هالشيء وانا حبيته من كل قققلبي والله وهو اول انسان احبه كذا عشان كذا مراح اتحمل اي جرحح منه
ودي اول مايصحى اقوله افتح جوالك وخليه بدون رقم سري حركاته تشككني فيه مو بيدي وربي ولا انا واثقه فيه 😔💔
وهو يكره الحريم لدرجه يشوف مايعات او شيء كذا يسب فيهم وهذي ما اخسها وذي معرف وش .. وانا اوقات لما اقوله وش رايك ارقصلك يقول لااا انتي تخليني كذا اشوفك زيك زي هذول الي يعرضون نفسهم !!!! طيب انا زوجتك وحلااالك ليش هالكلامم اي شيء همم يسونه سرت اتجنبه عشان مايفكر كذا فيني
اخافف يكلم وحده كله بسبب الحمل لانه متشفق عليه لدرجه نتضارب بسبب هالسالفه كل شهر . بس شسوي ربي مو كاتب وانا راضيه بحكمته ، المشكله مو راضي نروح نحلل او انا احلل لحالي كل يوم ياجل السالفه معرف السبب 😔💔.
الي ابغاا اعرففه الحين اقوله يفتح جواله واصير اشوف وش عنده ولاا اخليه على هواه مع اني ما اقدر بكون متوجعه واحس انو بيننا اسرار وبرجع لغموضي من جدديد
الله يسعد الحكيمات الي يردون علياا بحكمه وبدون سب والله الي فقلبي يكفيني 💔.
- ولو علياا صلاه كنت اشكتي لربي بس ادعولي مع هالجمعه بالحمل والله يسعدكم واسفه على الاطاله 💜💜💜