أدخلي واستفيدي...مشهد خلاني أرتجف في مكاني

:22: بسم الله الوحمن الرحيم
السلام عليكم ورحمة الله وبركاته
كلنا نعلم مافي القنوات الفضائيه من سلبيات ومخاطر ينبغي لنا أن ننتبه لها ونضعها في الحسبان...لكن فيه قناة عجبتني بس \بعد ماقدمت المشهد الي راح أحكيه لكم الحين
كنت جالسه في الصباح لحالي لا لي ولا علي..أقلب في هالقنوات من غير هدى..استوقفني مشهد مجموعه من الفتيات وكانوا محجبات ومجتمعات حول طاوله..وقدامهم صحون مليانه أكل..والكاميرا في البدايه كانت مركزه على أفواههم الي كانت شغاله بالكلام وبعد على يديهم...بصراحه يوم شفت ا
الكاميرا مركزه على فم كل وحده منهم توقعت انها دعاية اسنان:42:
لكن بدأ المشهد يتغير..تركزت الكاميرا على يديهم وكانت أظافرهم طويله بشكل مقزز ومخيف بصراحه
وانتقلت الكاميرا الي الفم..تغير شكل الاسنان بحيث الأنياب صارت طويله ومرعبه..كل هذا وهم لازالوا يتكلمون ويتكلمون...مدت كل وحده يدها على الصحن الي قدامها وأخذت شي لونه أحمريشبه اللحم..صاروا ياكلون بطريقه مخيفه..مثل الحيوان المفترس اذا صار ياكل فريسته بنهم ووحشيه..خفت من المنظر وزاد استغرابي..ماأدري وش المقصود من المشهد ..والمنظر يزداد سوء..وصارت أصواتهم ترتفع أككثر واكثر وهم ياكلون.....
بصراحه المشهد وصلني لأسوأ حالات القلق والتوتر....
فجأه......أنقطع المشهد........ي
طلعت الشاشه بيضاء............وانكتب عليها........
(أيحب أحدكم أن يأكل لحم أخيه ميتا فكرهتموه..)
قريت الايه واستوعبت المقصود...ارتجف جسمي ووقف شعر جلدي..يالله كان المشهد بشع..مخيف..صوروا الايه مثل ماهي فعلا..جلست أفكر وأتخيل أن هذي أشكالنا لما نغتاب أحد..ونتكلم بدون مانستشعر بشاعة الشيء الي قاعدين نسويه...نعرف ان الغيبه محرمه..لكن غالبا ما يغيب عن بالنا هو محرم لأي درجه بالضبط.....لدرجة انك تاكلين لحم أختك وهي ميته...
يارب اغفر لنا وعفنا واعف عنا...يارب تب علينا انك انت التواب الرحيم...
أخواتي ..ينبغي لنا التفكر في تصرفاتنا وأعمالنا...وكما اننا نستشعر الأجر في أعمالنا الصالحه..يجب علينا أيضا أن نستشعر مدى حرمة معاصينا وذنوبنا..
حبيت تشاركوني الفائده..لأني بصراحه كلما جيت أتكلم يجي المنظر المخيف في بالي وأتعوذ من الشيطان الرجيم..وأحاسب على كل كلمه أقولها..وياليت هذا حال كل القنوات الفضائيه..مشهد يمكن ما كمل 3دقايق فيه معاني كثيره وفائده عظيمه..
ولو هذا حالنا من أول كان ماوصلنا للي وصلنا له الحين..
واذا عرفتوا القناه..ترى هي نفسها الي تقدم فائدة الصدقه وأهمية الصلاة..
أختكم...ريح الرياحين