بسم الله الرحمن الرحيم
كيفكم صبايا..فترة ادهرت على هالقسم وقسم المشاكل لحتى خلاص صرت حافظه كل مشاكل العضوات ولولا الحياء ادخل خاص وااساله كيف امورها الحين تمام
المهم القصه ومافيها يابنات
زوجي الاسبوع اللي راح قالي بيروح اصيد مع اخوياي ..عاد وش يصيد مدري عنه كل يوم له هوايه للحين ماماكتملت شخصيته :hahaha:
على طول جاء ببالي فكه بنادي جاراتي يوم الخميس ونفلها للصبح ومافيه احد يقلقنا
قلت خلاص حبيبي انتبه لنفسك ..
ومن يوم الثلثاء وهو برى البيت يجهز وكذا وكل مااقول ابطلع يقول مشغول ..قلت مو مشكله بروح مع السواق
رحت والتهيت باغراض الحلا والاغراض الثانيه وراح هو يوم الاربعاء طبعا بينام وماراح يرجع الا يوم الجمعه
اتصلت بجاراتي قلت تعالوا قالوا ابوفلانه اللي هي جارتنا اللي تونس مرره في العنايه وتعبان مرره:( الله يشفيه ويعافيه
وطبعا مافيه جيران
المهم جلست بلحالي انا وبزاريني قلت زين خل احني شعري واهتم بنفسي وهو و بالبيت وادهر اتحنى وانتف
وميرتطقني اللقافه الا اتصل بصديقاتي اللي من زمان عنهم
وكان فيه وحده يالبى قلبها من زمان عنها طيوبه وعسل وحلوة ودايم تتصل واكون مشغوله طبعا هي مو متزوجه قبل فترة اتصلت بي بدايه السنه لان تعيننها معلمة جاء في قريه اهل امي ..وكانت ماعندها اثبات اقامة وكذا والحمد الله ساعدتها واهلي بعد
المهم
اتصلت وماردت وقمت اتصل بكل صديقاتي واكلمهم واستانست
وقمت اتروش وشعري تقل ليفه بعد الحنى:(
واناظر لين زوجي مو متصل ولاحتى تطمن على مع ان من عادته يتصل وتطمن قلت انا احسن خل يشتاق لي<ياشين الثقة
وكنت بنام الا وتجي رسالة من صديقتي اللي اتصلت عليها ولا ردت ..هلا اسفة انشغلت ولاشفت اتصالك الليلة كانت ملكتي ..
فرحت من قلبي لها والله وارسلتلها الف الف مبروك وبكلمك بكرا
وانسدحت وانا مبتسمه الا والشيطان يوويدز علي يقول تضحكين يالخبله:30: ماكانك قاريه مشاكل بنات حواء
حتى الاخوات يخطفون رقاله ..شلون زوجك ماتدرين وينه ولاحتى اتصل عليك وصديقتك ذي ملكتها الليله طبعا زوجك يالخبله اللي متملك عليها مدهر صارله يومين مخطوفن وجهه
((عاد زوجي كان راحمها مره يوم كانت تبي تسكن بلحالها بالقريه وهي مو معرسه وفتره كان يسالني عنها واعصر مخي بعد وش الاشياء اللي تزيد الشك عندي تذكرت ان زوجي هابن صاله يومين يتكلم عن المعلمات وعن لو اني متعاقده كان الحين متثبته:(
ربطت اشياء مالها داعي ببعض لين خلاص تاكدت انه زوجي اللي ملك على صديقتي..وصديقتي لو هي عندي كان لعبت فيها بالضرب والطعنات واخر شي اشنقهاا الحقيره وقفت معها وساعدتها بكل شي
وافز من سريري الساعه 3 بالليل واروح افتح الدولاب واشوف بشت زوجي فيه والالا
واناظر بنص عين واقول بنفسي زي بالمسلسلات ااخ بس تحسبك ذكي يوم خليت بشتك هنا ..تحسبني ماراح افهم انك رايح تملك على صديقتي يالخسيس
ومير اتصل عليه واحصل جوال زوجي مغلق:06:
قلت بعذره معرس توه متملك اااه يالحره اللي بقلبي انتظر متى يجي باكر عشان اكلمه واكلمها واقول اني كشفتكم على حقيقتكم
واتقلب عالسرير ماجاني نوم الا مدري شلون نمت واول ماصحيت الساعه 2 بالظهر الا واتصل على صديقتي ولاترد<<مسكينه سهرانه طول الليل ..وارسلها مسج اقول الا يافلانه وش اسم اللي ملك عليك:35: يلعن اوم السؤال :35:هههههههه
احس اول ماقرت المسج قرته تسع طعشر مره من هول الصدمه
وانا يقالي طحت به
واتصل على زوجي قال الو قلت وينك ..على طول وينك قال جاي جانا غبار ومدري وشو وبطلنا صيد...عاد اقول ببالي اها صيد عزالله صدت بنت وجيت تحسب ان الخطه مشت علي
مرت الساعات كانها سنين انتظر زوجي يدخل وابي افتش كل شي
وحالتي حاله
وارسل للبنت مره ثانيه ليه ماتردين واحط فيس يغمز واقول وش فيك ماتردين
شوي دخل زوجي وكانوه كان طالع من القبر مغبر وعلى طول راح ياخذ شور وقمت افتش بملابسه وجيوبه وماحصلت اي دليل
واخذ جواله احصل مافيه الا اتصالاتي ووواحد اسمه ابوغلا ومير يطقني الشك قلت زمان صديقتي تحب اسم غلا
واتصل على ابو غلا الا ويطلع لي صوت ديناصور موب ادمي ..طلع صديق زوجي
وطلع زوجي قلت وش عندك ماتتصل وهو فاتح بوهته منجن من اسلوبي الهجومي قال مافيه ابراج قلت اها ونظراتي خطيره قال وش سويتوا الغدا بس
وشوي الا وحصلت 14 مكالمه لصديقتي ومرسله اسم خطيبي فهد ولد عمي اللي كانوا جيران هلك :35:
عاد انا حقرت نفسي ضيعت الويكند بالتنكيد على نفسي والشك بزوجي وببنت الناس وتفشلت منهم
والسبب لحستوا مخي ..وسلامتكم:p
..
ام لين ولانا @am_lyn_olana
محررة برونزية
يلزم عليك تسجيل الدخول أولًا لكتابة تعليق.
ام ريتاج ومنيره
•
هههههههههههههههههههههههههههههههههههههههه موتني ضحك ربي يسخرك زوجك ولايشوف غيرك ابددد ابددد وسلوبك روعها
ههههههههههههههه
يالبىـآ قلبتسسسس ياوخيتي الله يخليلكـ رجــلك وبزآرينك
ولاتتحمسسين واجد وانتي تقريــــن..^_*
والله يفرح قلب خويتك الف مبرووووووك لهآآ
يالبىـآ قلبتسسسس ياوخيتي الله يخليلكـ رجــلك وبزآرينك
ولاتتحمسسين واجد وانتي تقريــــن..^_*
والله يفرح قلب خويتك الف مبرووووووك لهآآ
ميراج222
•
يا ربي يسعدك يارب والله تهبلين وقصتك تحفة وسردك لها احلى واحلى روحي يا شيخة ربي يسخر لك زوجك
والله ما تنلامين
انا خلاص
ما عاد عندي ثقة حتى في ملابسي من كثر الي نشوفه هنا
زوجي صار يقولي ارحمي روحك وطلعي من القسم دا ما جاب لك الا عوار الراس
يسلمووووووووووووووو
والله ما تنلامين
انا خلاص
ما عاد عندي ثقة حتى في ملابسي من كثر الي نشوفه هنا
زوجي صار يقولي ارحمي روحك وطلعي من القسم دا ما جاب لك الا عوار الراس
يسلمووووووووووووووو
هههههههههه ياحلوك
والله انتي مثلي اذا قريت كثير فهالقسم يبدأ الشك عندي والتخيالات اللي مالها داعي
والله انتي مثلي اذا قريت كثير فهالقسم يبدأ الشك عندي والتخيالات اللي مالها داعي
هههههههههههههههههههههههههههه الله يسعدك ياشيخه وينزع الشك من قلبك
ترى مو بس انتي حتى انا لافات عقلي الله يصلح حالنا وحالهن
ترى مو بس انتي حتى انا لافات عقلي الله يصلح حالنا وحالهن
الصفحة الأخيرة