عادي يا اختي لاتفكرين هذا يصير مع الحوامل بس اشغلي نفسك با القران خليه بجنب راسك وسبحي وكبري ثلاث وثلاثين وكل ما جاك ها الوسواس تعوذي منه واشغلي نفسك با التسبيح حتى يمل منك الشيطان لانه يريد احزانك يمل ويذهب عنك الوسواس وكثري من قراءه سوره الفلق والناس مع النفث على نفسك واشربي زمزم بنيه الشفاء واصبري واحتسبي الاجر من الله وكثري من صلاه اليل مع الدعاء لو وانتي جالسه وتصلين عادي اهم شي تدحرين ابليس وان شاء الله بتدعين لي الله يفرج همي وهم كل مسلم

ترا حرام عليك الله يهديك تسوين بعيالك كذا..
تجيبين لهم الاكتئاب والقهر.. لاتحسبينهم مايحسون..
اعذريني بس هذي انانيه منك.. ضايق صدرك ليش ولدك مايقول وش فيك.. انك تبكين..؟
اهم شي انتي وش تحسين..مو هو...؟!
ولاضاق صدرك انه طلع وهو مكتئب وبتسببين له عقد نفسه .. وواضح انه متعود على المنظر لانه ماسال حتى؟
كلنا تجينا اوقات كبشر عموما...موب حوامل... ودنا نصيح ونصارخ ونهاوش بس نمسك انفسنا علشان عيالنا يتربون باجواء بعيده عن العقد والاكتئاب..
وكلنا فينا حالة ترقب كحوامل قربت ولاداتنا.. موب اكتئاب انتبهي.. عادي جدا..
ومالهم ذنب اللي حولك تكرهينهم فيك ابد..

ادري كلامي تعتبرينه الحين قاسي ويمكنك تدعين علي :)
بس ماراح ارد عليك بسلبيه واقول الله يعينك وبس..
لازم اول شي ابين لك انه خطا جدا انك تقنعين روحك انه ذا شي طبيعي..
وقولي الحمدلله.. عندي زوج وعندي عيال وحامل.. وان شكرتم لازيدنكم..
وكثير جدا من الحريم يولدون بعمليه وياربي لك الحمد.. وش فيها..
حتى فيه بعضهم يختارونها عن الطبيعي.. مايعتبر عذر نهائيا..
الاكتئاب يجي بعد الولاده.. موب قبلها.. هذا المعروف علميا..

المهم..
اولا ..الحين شيلي من راسك ان هالشي طبيعي ومعذوره كل حامل انها تنكد على الناس اللي حولها.. لا موب صحيح ابد
ثانيا..احمدي الله كثير على النعمة اللي انتي فيها.. لا ربي الحين الله يحفظك ويستر عليك يعاقبك وتصيحين على اسباب حقيقيه..
ثالثا.. اكثري من الاستغفار وقراءه القران وتعوذي من الشيطان,,
رابعا.. خليك ايجابيه في تفكيرك.. حتى لو تمثيل.. اقنعي روحك انا اليوم مبسوطه ونفسيتي تمام ورائعه..
ابتسمي كثير.. البسي.. اطلعي.. تحركي.. وتعوذي من ابليس.. الله يهديك..

ولاتزعلين اا حسيتي كلامي قاسي.. بس صديقك من صدقك..
وانتي ماسالتي الا تبين حل.. وراي صريح.. صح والا لا؟

تحياتي

لا حول ولا قوة الا بالله
استغفري يا اختي والله يعيننا اجمعين

تعوذي من بليس





هذا انا عندي فقر دم...ونقص فيتامين دال...وضغط..وسكر ...وقلب...وخليفة من هم الولادة...اخاف اموت واخلي بناتي...شوفي مصايب الناس عشان تهون مصيبتك....وهذا ماعندك مصيبة ولامرض...احمدي ربك...ماشاءالله تبارك الله ...انا مااحسدك...بس ابغى ارفع معنوياتك وتحمدين الله على الصحة والعافية

الله يفرج همك ويقومك بالسلامة