كيكه ولا مش كيكه .. لغز ..

السلام عليكم

هالكيكه .. ملطووووووشه .. من اختي وحبيبتي ام محمد ..

المقادير . على كيفج ...

تونه او صدور دجاج او لحم مفروم


كميه من شرائح التوست تنزع اطرافها

مخلل مشكل مفروم . زيتون بدون بذر . بصل اخضر مفروم . بقدونس مفروم . مايونيز . خردل . سن ثوم مهروس
عصير ليمون . ملح
وممكن تضيفين اي اضافات ثانيه من عندج . خس مفروم جزر مفروم ذره حب اي شي تحبينه
ويتم خلط كل هالمكونات .. اهم شي يكون طري ولين

جيبي قالب مربع وبطنيه بالنايلون .. رصي شرائح التوست فيها وحطي طبقه من الحشوه .. وردي حطي طبقه ثانيه من التوست ونفس الحشوه والطبقه الاخيره توست بس .. يغلف القالب بالنايلون ويوضع بالثلاجه لتتماسك على الاقل ساعتين وبعدين يقلب ..

.. وادهنيها باللبنه وزينيها بالزيتون وحلقات الخيار وعليج بالعافيه ..
واذا تحبين اخلطي اللبنه مع المايونيز