خواتي كبروا وتغير كلامهم !!

السلام عليكم
كييييييييييفكم ؟؟
بدخل سيدا
انا الحين مخلصه الثانوي واختي اللي اصغر مني عمرها10 سنوات واللي اصغر 5 سنوات ..
المهم اني مو مصدقة انه الكبيرة تكبر شوي عشان اسولف معها واخليها صديقتي واعطيها اسراري !! بس مدري متى اصير اكلمها عن مواضيع الكبار يعني بعد سنة والا سنتين والا اربع .. وخصوصا انه اسراري اكشن شوي :42: وفيها شوية اغلاط يعني حتى لو كبرت يصير اعلمها والا لاااا !!
وكمان هي احيانا تقعد تتكلم وتقول انها لو تزوجت بتسوي كذا وكذا لأولادها .. وبتسميهم مدري كيف .. وتتحمسسس مرة . عكسي انا وانا صغيره ما كنت افكر مثلها كذا واصلا حتى الحين رافضة فكرة الزواج .. احيانا اقول لها اسكتي عيب تقولين كذا .. واحيانا اخليها شوي تتكلم وبعدين اسكتها .. وقبل شوي جيت عندهم الثنتين لقيتهم يتضاربون واصواتهم طالعة قلت وش فيكم قالت الصغيرة انا ابغى اذا جاني ولد اسميه فهد وفلانة تقول لا انا بسميه فهد انا صعقت :09: خير تتضاربوووون وقعدت اضحك خخخخخخخخخ قلت عادي كلكم سموا فهد ليش تتضاربون الاسم اي احد يقدر يسميه بعدين استوعبت انهم متحمسييييييين مررررررررة وقلت لهم عيب خلاص احنا نمزح خلاص لا تسولفون كذا !! مدري يعني عادي اخليهم يحلمون احلامهم الغريبة والا وشووو يعني عيب والا عادي وخصوصا اني ما كنت كذا ..
يعني الاحظ انهم باستمرار كذا تفكيرهم ههههههههههههههه وربي يضحكون ..

وبعدين انا ماني عارفة وش الحدود اللي بين الخوات !! يعني انا استنها تكبر عشان اعلمها كللللل شيء وكل اسراري .. عادي والا لازم يكون في اشياء ما تنقال .. يعني حتى لو سويت شيء غلط مهما كان كبير او صغير اعلمها والا !!
طبعا امي الله يخليها ويحفظها يارب مثل اختي والله العظيم بس انه في اشياء ما يصلح اقول لها ..

بليز علموني ولو في اشياء بتفيدوني فيها غير عن هذا الموضوع قولوا لي . عشان انا شايله هم ..

اختكم
ماسة حساسة :26: