اليوم سويت غدا من بنات افكاري والا اولاد افكاري هههههههه <<<<< استخف دمي وحبيت اشارككم فيه
اولا هو عباره عن رز مشخول بكشنة الربيان والدجاج المحمر شوفو الصورة اولا واحكموا
هاه وش رايكم
يله نبدا بالطبخه
اولا نحمس بصل مقطع جوانح او شرايح مع فلفل رومي شرايح ثم نحط عليه ربيان واللي ما يحبه يستبدله بالدجاج المسحب
ونحط عليهم ملح+كركم+لومي مطحون+ كمون مطحون
في خلال هذا الوقت نحط مويه على النار كثيره ونصب عليها شوي زيت ونرشها ملح ولما تغلي نجيب الرز المنقوع ونحطه في المويه ونخليه يفور بس تكون المويه ضعف كمية الرز
نبدا في الدجاج وهي انك تطبخينه بالطريقه اللي تريحك ممكن سلق لكن انا حمرت بصل وطماطم وحطيت عليها بهارات عدله ثم حطيت الدجاج والملح ومويه وخليته لين ينضج
بعد ما يتضاعف حجم الرزه وتصبح طويله ونضجت ثلاث ارباع الاستواء نشخل الرز يعني نصفيه من المويه ثم نرجعه في نفس القدر ونضيف عليه شوي زيت وملح وعود دارسين ثم نحط عليه حشوة الربيان ونغطيه بورق قصدير ونقصر النار
