مساء الخير على كل الحوامل والمقبلات على الولاده 000بصراحه موضوعي هذا موجديد لاني سبق وكتبته في قصة ولادتي ونظرا لاهمية الموضوع قررت اني اكتبه في موضوع مستقل علشان الكل يطلع عليه ويستفيد
** اول شي لازم كل وحده حامل اومهي بحامل تتكل على الله اتكال كامل وليس فقط باللفظ فالله سبحانه هو الي حطه في رحمك وهو الي يعلم متى يخرجه والي صار معي اني طول الوقت احسب واعد كم بقى واولد ومن يوم كنت في الثامن كل ماقريت وصفه تحرض الولاده الااكتبها واقول في نفسي اذا صرت في الاسبوع 37 راح ابدأ اخذها علشان اولد ولو كل وحده تملك تولد نفسها ما اظن نلقى وحده تقول مليت ابولد 00 وبعدين ماعمرنا سمعنا ان وحده قعدت طول العمر ماولدت هذا شي والشي الثاني ان الاشياء الي تاكلينها ممكن تسببلك مشاكل انت في غنى عنها وفي النهايه ماتولدين الافي يوم قدره الله لك ومن تجربتي حسيت ان الله بيوريني انه هذي الولاده اللي انا مستعجله عليها لاني كنت ادعي بكل صلاه ان الله يعجل ولادتي وهذا خطأأأأأأأأأأأأأأأأأأأأأأ
** أنا كنت من الحوامل الي ماهي مصدقه بجنس الجنين من الشهر الرابع قالت لي الدكتوره بنت احتمال وفي السادس والثامن قالت اكيد ومع ذلك كنت اعشم نفسي واقول غلطانه وزي كثير من خواتي الموجودات كنت اركض ورى المواضيع الي تقول ان السونار يغلط ولو اخذناها بالعقل السونار تصوير والصوره تعكس المصور فليش نترك العقل ونمشي ورى الاوهام ونرجع ونقول مالك الا الي كاتبه الله لك 0
** اعتقاد ان الاستغفار والدعاء يغير نوع الجنين وهذا خطأ لان الجنين تخلق وتحدد نوعه ولو تجي وحده وتقول حصلي هالشي بنقولها ممكن الدكتوره ماهي شاطره او تلخبطت بالاعضاء للاسباب المعروفه او ان الله اراد انها تغلط وتكون مفاجأه 0 مع العلم ان عندي ولد والله ما ني كاره البنت بس كلام ولدي وزنه علي هو الي خلاني اتمنى الولد والحين والله اني اضحك على نفسي لاني الحمدلله رزقني ربي بالولد والبنت 0
** التصديق بالاحلام وجعلها الخريطه الي تمشي حياتنا وهذ اكبر خطأ لاني من تجربتي حلمت كذا حلم تبشر بولاده سهله ميسره لدرجه اني ماعاد شلت هم الولاده ومثل ماشفتوا تفاجأت بولادتي والله لايحرمني الاجر ان شاء الله
**التهاون بالقيام بأعمال المنزل العاديه اليوميه في الشهر التاسع ،مثل ماصارمعي قبل النزيف بيوم سويت اشغال كثيره في البيت وهي عاديه ولكني طولت في الوقفه والتركيز ، وقالت الدكتوره يمكن يكون الشغل هو السبب 0
**بالنسبه للاحلام الي تخص جنس الجنين وتصديقها ويمكن بعد تصير الوحده محتاره بينها وبين السونار مثل ما نقرأ كل يوم في المنتدى الي تقول قالوالي كذا واحلامي تقول كذا !!!!!!!!!!!!!!!! واولهم انا وانا اتوقع ان احلام كل وحده 90% تعكس رغبتها او في احسن الاحوال يكون تحقيقها على المدى البعيد يعني موشرط هالحمل هذا 0
** وعندي بعد التجارب الي في المنتدى وتطبيقها والركض وراها حتى ولو من باب التسليه والله ثم والله انه حملي هذا تنبطق عليه علامات الولد سواء الي في المنتدى او غيره او حتى الي يشوفوني يقولون في بطنك ولد _ وما طلع ولد طلعت بنوته _ وهذا الي يزيد من اعتقاد الحامل انها فعلا تحمل هذا الجنس وتبسط000وارجع واقولكم من واقع تجربتي انه اكبر خطأ لأن كل حمل يختلف من وحده لوحده ولو تفكرون شوي تلقون اكثرها خرافااااااااااااااااااااااااااات 0
** اخيرا 00 من الاخطاء بعد الي كلنا نرتكبها المقارنه بين الحمل الحالي والحمل في المرات السابقه فكل حمل يختلف عن الي سبقه وكل ولاده تختلف عن الي قبلها 00فلا تضيعين الوقت اختي بالمقارنه 0
وفي النهايه اتمنى اني اكون ماثقلت عليكم بكلامي بس والله لاني احبكم حبيت انقلكم بعض الاخطاء الي نقع فيها كل يوم ، والخلاصه من كل هالهذره
توكلييييييييييييييييييي على الله وارضييييييييييييييييييي بما قسمه الله لك
يلزم عليك تسجيل الدخول أولًا لكتابة تعليق.
نونو برهوم
•
الله يجزاك خير يااااارب
مشكوووووووووورة وصح كلامك ميه على ميه والحمد لله على ىكل حال ولد والا بنت يالله حسن الخلق والخلق ..
واللي يجي من الله حياه الله والواحد يدععي ربه بالتساهيل ويتكل عليه ..
مشكورة مرة ثانية :)
واللي يجي من الله حياه الله والواحد يدععي ربه بالتساهيل ويتكل عليه ..
مشكورة مرة ثانية :)
@غيوض
•
جزاك الله خير اختي بس بصراحة فعلا فيه أشياء تسهل الولادة مثل زيت الخروع أخذملعقة منه كل يوم تلين المعدة للي تعاني من إمساك لكن اغلب الوصفات فعلا مثل ماقلتي
الصفحة الأخيرة