الحمدلله صرت أم... بس لاتغلطون غلطاتى بالولاده

الحمدلله الحمدلله الحمدلله .......... بعد طول صبر الله رزقنى بالزوج الطيب وبالذريه ( هيونه المزيونه الله يصلحها ان شاء الله ومايجعلها بوحيده )

أول شى حابه اشكركم يابنات على دعوتكم لى يوم ولادتى والله يوم فتحت الكمبيوتر وقريتها استانست .......... ومشكوره رفروفه على انج قلتى للبنات انى ولدت والله يسهل عليج ان شاء الله وتولدين بالسلامه يارب .........

بنات سامحونى اذا بكتبلكم الحين بالتفصيل الممل بس صدقونى من العذاب اللى شفته حابه انقلكم الصوره علشان لاتكررون اللى هببته .....

سبحان الله من دخلت التاسع وانا كل ماروح مراجعتى عند الطبيب اقول الحين بيقولى روحى المستشفى انتى ولاده لان بنوتى كان راسها وايد نازل وضاغطه على مقعدتى لدرجة ان آخر شهر ماكنت اقدر اسوق ولا امشى ولا انام ولا اقعد مثل الناس من الالم حتى بالسرير لما اتقلب ابجى من العوار واكرهه انام ... المهم مرتين اروح حق الطبيب يقولى خلالالالالاص انتى ولادتج اليوم باجر وسبحان الله طول الوقت ايينى الطلق واحس خلاص مو قادره ولما اروح المستشفى يقولولى مافيج شى لدرجة انى حقدت على بنتى كله مطلعتنى جذابه جدام ابوها ....

يوم الاحد 28\12 كان موعد مراجعتى الثالثه ومن المغرب كنت احس بعوار منتظم كل خمس دقايق بحدتى وساعات بخواصرى بس كنت مطننننننننننننننننننننشه لانى ماراح اصدق بنتى بعد افتشلت كله طلق جاذب طلق جاذب المهم رحت الطبيب وانا كاشخه لانى متفقه مع زوجى نروح بعدها نتعشا بره ........... والا المفاجأه !!!!!!!!!!!!!!!!!!!!!!!!




جان يقولى الطبيب الرحم مفتوح صبعين والرحم شاد حيييل وراس البيبى وايد نازل خلاص انتى ولاده روحى دخلى المستشفى الحين !!!!!!!!!!!!!!!!!!!!!!!!!!!!!!!!!!!


من الصدمه ماعرفنا شنقوله انا وزوجى لان كان آخر شى فى بالنا هالشى .... لدرجة ان احنا قلناله لا ماراح ادخل هههههههههههههههههههههه زوجى يقوله خلنا نفكر الدكتور جان يطالعه واهوه مستغرب اتفكر بشنو؟؟؟!!! المره خلاص ولاده ....

طبعا انا باس قوى شنو ولاده وانا مومستعده !!! بعدين اذا دخلت المستشفى الحين يعنى ماكو مطعم !!!! ( أميرة الأحلام همها بالمررررررررررررره مو على بطنها وماتحب المطاعم كلللللللللللللللللللللللللللللش :42::42::42:)

قلنا حق الدكتور خلنا نفكر ونرد عليك فقالنا خلاص اذا تبى باجر تولد تمام لان ماعندى يومها عمليات راح اكون فاضيلها ..........

طلعنا من الطبيب وجنه كافخنا من الصدمه اولد والا انطر السنه اليديده احسن ؟؟؟؟؟

وانا وقتها كنت ميته من الالم بس هم باااااااااااااس قوى مقاومه جان اقول حق ريلى امش نروح المطعم انقرراهناك اولد باجر والا لا هههههههههههههههههه


المـــــــــــــــــــــــــهـــــــــــــــــــــــــــــــــــــــم.......

آخر شى رسيناله انى اتوكل على الله واولد خصوصا ان الدكتور قالى اذا ماتبين تولدين كيفج انتى المنضره وراح تظلين تتعذبين على الفاضى لانج حتى لو ياج الطلق هم راح اركبلج الطلق الصناعى يعنى جذيه جذيه الطلق الصناعى راكب ........


طوووووووووووووووووووول الليل يومها مانمت قاعده مجابله النت لى الصبح وشربتلى كوبين دارسين ولما صارت تسع مرتنى امى وشوفى الاخت اميره اشسوت اهيه تطلق ومطنشه

أول شى رحت دوامى اقط عليهم طبياتى وبعدها رحت اربع محلات حلو علشان اشترى كاكاو التقديم تخيلوا وانا من الالم موقادره حتى اقعد لدرجة انى كسرت خاطر راعى المحل قالى روحى وانا اوصلج الكاكاو المستشفى وهمممممممممممممممم قاومت


لما رحت المستشفى سوولى سالفه الا اروح افحص قتلهم الدكتور اهوه اللى قايلى ادخل ومابى افحص لان الفحص يعور قالولى ميصير والدكتور الحين مشغول واضطريت اطلع من المستشفى اروح لعيادة الدكتور مشى علشان يكتبلى دخول للمستشفى .......

المهمممممممممم .... لما حطوا على جهاز فحص الطلق اكتشفت شغله تضحك ان هالمره كان طلق صجججججج مو جاذب مثل كل مره ... بعدها دخلونى غرفة العمليات وركبوا على الطلق الصناعى ولان اختكم بطله رفضت اى نوع من انواع المسكنات من ابر وكمام لانى عارفه ان الطلق والولاده فيها اجر كبير وماحبيت اطوف على روحى هالشى ... والشغله الثانيه ان سبحان الله طول الوقت مافينى شى قبل موعد الولاده بثلاث ايام حاشنى مكروب تحت فا الطبيب قالى ممكن يسبب التهاب بالرئه حق البيبى فا قلت اخاف اخذ مخدر ماقدر ادفع معاهم وقت الولاده فا لازم اكون صاحيه .........وكانت هاذى غلطه كبيره غلطتها لانى ظيعت طاقتى وقوتى كلها بالطلق

وظليت الله وكيلكم اطلق من الساعه 12 الظهر لى تسع الا ربع بالليل لحد مايت ساعة الصفر صرخت صراخ اللى اعتقد مابقا احد بالمستشفى ماسمعنى..... طلق والبيبى كان مكانها غلط بنتى متكوده كلها بالناحيه اليسار فا الاطبه فاضين بعز العوار يبون يغيرون مكانها عورونى وتعبونى زياده ........... وكل ماقالتلى الدكتوره شدى اصرخ زياده جان تقولى انا قلتلج شدى مو صرخى ........ من اللى فينى قلتلها يعنى شنو شدى جان تقولى يعنى دزى اياهل ساعدينى وانى من فلاحتى استنفذت كل طاقتى وقت الطلق ماقدرت لا اشد ولا اهبب اى شى غير الصراخ لدرجة انى قلتلهم سوو اى شى بس فكونى خلاص طلعت روحى .......

آآآآآآآ خر شى يه دكتورى واضطر يشفط بنتى لان ماكان فينى طاقه ادزها

الحمدلله على كل حال .............

علشان جذيه نصيحه يابنات للى تبى تولد حاولى تريحين نفسج قد ماتقدرين آخر شهر خصوصا قبل الولاده موتسوين نفسى رايحه الطبيب مواصله يومين ورا بعض هذا غير مابقا مشوار مارحتله بدل لاروح المستشفى سيده اولد ... واذا عطوكم كمام او ابره مسكنه اخذوها لانها مالها تأثير كبيراو مده طويله علشان يصير عندكم طاقه وقت الولاده ...........


وفالنهايه سامحونى على هذرتى الطويله بس حبيت انقلكم الصوره كامله ان شاء الله تستفيدون منها ...........