**ام عبووود** :

اختي مبين من طريقتك بالكتابه انك متضايقه بس ما قلتي لنا شنو سبب المشكله بينكم ؟؟ عشان نعرف اذا كانت تافهه ام لا ونعرف من الغلطان واعلمي يا اختي ان الرجل بطبعه يحب ان يبدأ بالمشكله ويحب ان تاتي له زوجته وتعتذر يشعر انه رجل ويرتاح نفسيا بذلك اختي اذا كنتي تحبينة تنازلي لوجه الله واصبري عليه في نساء ازواجهن يدخلو عليهم بحرمه من بنات الحرام والي يدخل عليها بغرشه خمره والي يقعدها نصايف الليل يقول لها طبخي لي ولربعي والي يهريها بالضرب بدون ادنى سبب بس يبي يبرد حرته فيها وهن صابرات صابرات واعلمي ان الفرج قريب بدل ما تقولي زوجي نكدي ادعي رب العالمين ان يسخره لج وسبحان مقلب القلوب قادر على تغير اي امر كان وكما ابتلى الله زوجك بهذه الطباع قادر على هدايته وجعله زوجا صالحا تحسدك عليه نساء حواء تدرين بقولك حادثه صارت لجاره كانت تسكن بقرب بيتنا كان زوجها كله يرد البيت سكران واذا يقعد الصبح يمشي دايخ مايركز وغرشة الخمر كله بيده حتى الصبيان يلحقونه بالفريج ويفلتونه بالحصى المينون المينون والله يا اختي ان هذه الحرمه ماسمعناها قط تشتكي من زوجها وكانت من يوصل البيت تقفل باب البيت بالقفل عشان ما يطلع وهو بهالحاله وتبدل له وتسبحه بالماي عشان يصحصح ويرد اليوم الثاني على نفس الحاله كنت وقتها بنت 4 سنين ما اذكر الا اشياء بسيطه لكن مع مر السنين كبرت وكنت بالسوق مع والدي واذا برجل ذو لحيه وثوب قصير يسلم على والدي ولم يعرفه وقال له انا فلان الي كنت ساكن يمكم الطوفه يم الطوفه تذكره ابوي وانا بعد تذكرته وتعجبت وقلت سبحان مغير الاحوال شلون هالانسان السكير صار رجل دين ملتزم ويعمل مؤذن سبحان الله يهدي من يشاااااااااااااااااااااااااء ادعو الله ان يهدي لج زوجك ويسخره لج ويجعله خير زوج لك بالدنيا والآخره اللهم آمين واذا تبين طريقتي تراني اقرى سورة البقرة بصوت عالي وبتجويد اقراها كامله والله ماتتصورين بدرة قادر اييني زوجي ويصالحني واحيانا ما تكون المصالحه بالاعتذار يعني مجرد يسالني شتبين تتعشين افهم انه يبي يكلمني هههههههه فعليج بهالسورة الليله اقريها وتعالي بكره بشريني اوكي:icon28:

اختي مبين من طريقتك بالكتابه انك متضايقه بس ما قلتي لنا شنو سبب المشكله بينكم ؟؟ عشان نعرف اذا...