اكتب لكم بعد الاربعين قصة ولادتي الغريبه

الحمل والإنجاب

وحشتوني يابناااااات
والله ماخلاني اتحمس واكتب قصتي الا هالقصص اللي في هالقسم كل وحده اروع من الثانيه
المهم راح ابدأ على طول
اول شي انا كنت رايحه المستشفى وماكان في راسي ولاده بتاتا البته:hahaha: كنت رايحه على اساس انو نزلت مني نقاط مويه قليله جدا
كشفت علي الدكتوره قالت ياحبيبتي انتي في ولاده روحي للمستشفى اللي بتولدي فيه الرحم مفتوح 3 سم
انا بققت عيوني:32: كيف مفتوح وانا مااحس بألم قالت لا تستعجلي راح يجيك الالم وجع فيها خوفتني:06: ماتعرف تقولها بأسلوب
المهم وانا رايحه مع زوجي المستشفى الا واتذكر ست الحبايب امي في مكه وانا في الطايف كيف تصير لازم تكون عندي وجنبي تعرفون بكريه وخبله في هالشغلات
المهم جلست ابكي عند ابو الشباب واقوله جيب امي ابغاها عندي والله ترا مااولد وهو ميت ضحك علي (انسان بارد)
اتصلت على امي وانا ابكي بغيت اهستر فيها المسكينه قالت خلاص الحين بنجيك
بعدها هدأت شوي قال زوجي ياحلوه انتي وراك مجهود لازم تاكلين وقتها مالي نفس بأي شي قلت له خلاص طيب جيب رطب خلني اتسلى لين تجي امي وصلينا المغرب (كل هذا وانا مافيني الم ) وطولت امي مرررررررره
انفتحت نفسي شوي قلت ابي اكل انا جوعانه المهم اكلت لين مليت كرشتي وكرشة وليدي
ومن فضاوة زوجي قاعد يقول هيا نتمشى بالسوق لين يجون:D
جات امي وزاد خوفي رحت للمستشفى وكشفت علي دكتوره قالت مفتوح 4 سم قالت عادي في حالات مايجيها الم ابدا انا بغيت اموت من الفرح
ودوني الكشك على طول وكانت الساعه 9 وجلست ساعه تقريبا الا ويجيني ذاك الدكتور اللهم ياكافي :32:طول وعرض مرعب جدا انا كأني ريشه عنده وكشف علي وقال تمام رحمك يفتح بسرعه الحين 5 سم وانا مااحس بالم ابدا
من فضاوتي جالسه اسولف مع الممرضات السعوديات وانا اسمع صراخ الحريم وادعي لهم
ويوم فتح عندي 7 سم الدكتور طفش وحاسدني لاني مااحس بألم قام فتح موية الجنين واجلس دقايق بس الا وذاك الالم واقسم بالله راسي بغى يشيب منه :icon810:وجالسه اصارخ بكل مافيني لدرجة ان الدكتور جاء يهاوش يقول انتي دلوعه اسكتي واتحملي وانا في نفسي اقوله الله يبليك بطلقه وحده من طلقي ياظالم:angry2:
استمر الالم بس ساعه ونص الا واحس ذاك الشي اللي بيطلع مني
جلست اصارخ للممرضه البيبي بيطلع روحي نادي الدكتور وهي ماصدقت طيران تناديه
جاء الكتور ومعاه ممرضتين كشف علي قال 9 سم خلاص جهزوها
جلس هو قبالي الممرضات كل وحده من جنب وقال اذا جاك الطلق ادفعي غيره لا عشان ماينفجر الرحم
وم جات الساعه 2 ونص واخذت دقايق بس الا وطفلي المنتظر :04:قدام عيوني بغيت اموووووت من فرحي هم وانزاح
بعدها خيطني الدكتور بس الله لا يسامحه بدون بنج الخياطه كان الم فظيييييع:icon36:
اقوله يادكتور حط بنج وهو مطنش مايقول كلمه وحده لين خلص كل الغرز الداخليه والخارجيه بعد ساعه اعطوني ولدي الله يحفظه لي وربي كان يبتسم مره كأنه حاس فيني
والحين عمره شهر 18 يوم وسميناه عبدالله
وخلصت قصتي والله يسهل على كل حامل ويجعل ولادتها من دون ألم
26
3K

يلزم عليك تسجيل الدخول أولًا لكتابة تعليق.

تسجيل دخول

aml2
aml2
الف مبروك والحمد لله على سلامتك
عقبالنا يااارب والله يسهل ولادة كل حامل
الحياه ابتسامه
الحمد لله على سلامتك ومبروك ماجاك ويتربى بعزكم
ام سلاف 1
ام سلاف 1
الف مبروك
ام يوسف1234
ام يوسف1234
الف مبروك عقبالنا يارب
غمزة دلــ ع
غمزة دلــ ع
الف مبروك ماجاك وحمدلله على سلامتك