بعدين يجي البيبي ونتبهذل بالرضاعة ويصير الحليب ما يكفي ويحتاج الحليب الصناعي والشاطره تكمل حتى 6 شهور
وطول هالفتره وحنا ندور طرق ووسائل تزيد الحليب ونجرب
وحده قالت لي جربي المكسرات تدرر الحليب كلى كل يوم
<<<< وفجاءة انتفخت ناقصه انا وزن لا لا ما تصلح سمعت عن الحلاوة الطحينيه بديت فيها ,, اكلت ملعقه ملعقتين ثلاثه
<<< لا ماتصلح تشبه الى فوقها تسمن وغير كذا طعمها ما يعجبني قالوا التمر يدرر بس كثري التمر
<<< مرات يصير ما لي نفس قريت انه العصائر تفيد
<<< كم مره؟؟ كوب باليوم حلو ,, لا لازم اكثر.. طيب مرات اكون شبعانه ماله مكان ومرات يكون غير متوفر"" لا لا ماهي عمليه كثري سوائل ... زي شوربه, مرق
<<<تقدرين تشربين اكثر من 3 صحون باليوم طبعا لا اشربي حلبه
<< حدث ولاحرج عن الريحه والنفخه والطعم زنجبيل
<< تحسين انك مريضه وحسب فصول السنه تشتهينه كلى واشربي اشياء حلوه
<<< يااااااااااااعيني ناقصيننجي للزبده
شي يدرر
موجود بكل بيت
بكل مكان
في اي وقت تلقينه
مايسمن
مايكلف
كلما شربت منه
كلما دريتي اكثر
سبحان الله جعل فيه الحياه
طبعا عرفتوه
الــمــاء
حاجة الانسان العادي يوميا ثمانية اكواب
انت اشربي اربعة بس وشوفي النتيجة بعيونك
حنا مانشرب واخر شي نفكر فيه الماء يالله يذبحنا العطش نتذكر اننا ما شربنا من امس
واذا لاحظتوا اكرمكم الله الى ترضع تخف عدد مرات البول
هذي نصيحة امي الله يخليها لنا اتمنى انكم تدعون لها بان ابوي مايتزوج عليها لانه ناوي (امانه للعضوات والمتصفحات بظهر الغيب )
على لسان امي تقول :
انها مره كانت بالمستوصف وتستنى دورها وكانت معاها وحده معاها ولد ابو سنتين يلعب قامت الام طلعت صدرها وهو يرش تخيلوا ونادت الولد يرضع
تقول امي تفاجات بالمسافه الى صب فيها الحليب
كانت امي وقتها ترضع تقول قربت منها وسالتها ..
قلت :ماشاء الله حليبك كثير وولدك كبير وش تسوين ؟؟
قالت : ابد انا طول وقتي اشرب ماء ويدر حليبي لدرجة اني ماني قادره افطمه يتورم صدري من كثر الحليب
نصيحه من القلب اتمنى انها تكون جديدة ومفيدة ان شاء الله