يابناات ابني عنده مشكلة غرررررررررررررررريبة جدا

اهلين حبيبتي احياناً الطفل يلجأ للاسلوب هذا علشان يشد انتباهكم تقولين وفرتي كل سبل الترفيه له بالعكس هذي من الاخطاء بس هو يبي حنانكم مع شوي شده تقولين وشلون يجتمعن اقولك اذا سوى حاولي تجاهلينه لاتبينين انك تضايقين وتركضين ترضينه اتمنى انك فهمتي علي اقولك قصت ولد خالي طاح بحركه الي هي كأنه ياخذ نفس ويعجز وبالاخير يشفط نفس تماما مثل الي عندهم ربو المهم امه خافت ووقالت لابوه وحاول يوديه للمستشفى بس الولد يرفض هو عمره خمس سنين لدرجة جاب له ابوه جهاز اكسجين بالبيت بعد فتره لاحظت امه اذا كانوا امه وابوه موجودين تجيه الحاله واذا راحو عند احد مثل واذا مااحد انتبه له يتصرف طبيعي الزبده ابوه سال دكتور نفسي قال هو يحاول يجذب انتباهكم اذا سوى الحركه لاتناظرونه ولا تقولون له شي وبالفعل شوي شوي وترك الطبع عاد انت ولدك صغير الله يعينك هو مايفهم
وعليك اختي بالقراءه عليه الله يشفيه ويهديه يجعله صالح مصلح

الله يجزاكى خير من ناحية الحنان بلعكس حنونة علية واذا سوى الحركة احاول بقدر المسطاع انى اتجاهلة لكن فى النهاية ينام وهو يبكى

تكفون الى عندها خبرة تدلنى لاتطنشونى

والله الاطفال يبغالهم صبر وطوله بال ولدى اختى اذا عصب يمسك اي قلم او اي حاجه وهاتك شخمطه على الجدران وبعدين يرتاح اخذ له فترة وبعدين نسى هاذي الحركه
المشكله ولدك صغير عشان يعبر لك عن اللى في خاطرة الله يخليه لك يارب

ولدي كان مثل ولدك وهو صغير
كان يعصب ويحمر ويبكي بالساعات
والله كنت حتجنن منه ولا اعرف ايش اسوي معاه
واكثر الي كنت اسألهم يقولون لأنه لحاله
وما يلقى احد بكبره يلعب معاه او يفهمه
حنا الكبار مهما حاولنا ما نقدر نستوعب احتياجات الطفل
حاولي تخرجيه من البيت لحدايق او عند صاحباتك يكون في اطفال
بعمره واذا عصب خذيه بحضنك وحاولي تلهيه باي حاجة
وتضحكيه وتلعبيه حتى يهدأ وصدقيني مع الوقت يخف
واضح لأنه اول طفل وتحاولي تلبيله كل طلباته
يحاول يضغط عليكم ولا تنسي ان حالتكم بالبيت
سواء انتى وابوه ونفسيتكم تأثر عليه
يعني لو تكلمتو كلام عادي بس كان الصوت عالي شوي
اكيد بتأثر عوديه دايما انتى وزوجك انه ما يلاحظ اي حاجة
حتى الكلام العادي يكون هاديء لأن في اطفال حساسيتهم
زايدة حبتين يتحسسون من ادنى كلمة
ولا تعطيه حلويات والشغلات الي تزيد من عصبيته