رفع

انا لحقت على جدتي

بس كانت كبيرة مررررررررة

وتدرين عن احد احيانا

بس توفت الله يرحمها

حكت لى جدتى حكايه


فيه واحد شاب تزوج واخذ زوجته وراح فيها لبيته

وهم مالهم كم اسبوع متزوجين

قال لزوجته

قومى اطبخى الذبيحه يافلانه
قالت : ماعرف اطبخ الذبيحه

هنا زوجها زعل

وارعد وازبد عليها

واخذها ورجعها بيت اهلها

وقال لعمه ابو زوجته :

بنتك ياعمى ماهى سنعه

ماتعرف تطبخ الذبيحه

قال ابوها :

خلها عندنا شهرين

وتعال خذها

راح الزوج وغاب شهرين ورجع على الموعد بياخذ زوجته

وقال لعمه

انا جيت على الموعد ياعمى

اخذ زوجتى عساها بس تعلمت

قال الاب

ايه ابشرك تعلمت طبخ الذبيحه

قال الزوج

يالله نادها خلينا نمشى لبيتنا
قال الشايب: لا ماتروح من هنا لحد ماتذوق طبخها الليله
عشاك عندنا تذوق طبخ حرمتك

وافق الشاب وجلس بالمجلس

يحترى العشاء من طبخ زوجته

شوى وسمع صوت خروف يثغى بالحوش

دخل عليه عمه ابو زوجته

وقال له : قم قم ياوليدى اذبح الخروف واجزره ( شل جلده عن لحمه ) عشان زوجتك تطبخه لنا

قال الشاب : بس انا انا

ماعرف اذبح ياعمى !!

قال الشايب :

اجل رح عند اهلك شهرين تعلم الذبح وتعال

الحين طلعت بنتى من بيتها عشان ما تعرف تطبخ

واحرجتها وكسرت نفسها

مع انك لو صبرت عليها تعلمت كل شي تبيه عشانك

انت الحين رجال طول وبعرض ومشورب

وماتعرف تذبح خروف
رح بيت اهلك شهرين وارجع

قال الشاب : ياعمى ماكان قصدى والله

انى ماقصدت و ....


نامت جدتى ماكملت السالفه ..

موضوعك روعه ايه نبي السوالف اللي فيها ريحه جداتنا يازينهم

يوسعون الصدر كنت اتمنى ان جدتي حيه وساكنه عندنا بس الله يرحمها

اعندي جدتي ام امي احاول اتذكر سالفه لها وارجع لكم..

عاد انا ملحقه على ام جدتي مو بس جدتي ماشاء الله تبارك الله
وجدتي باقي قويه الله يحفظها ويطول في عمرها واهي اللي ربتني في صغري
وه عليها مره وحشتني فديتها والله
وعلى قوة شخصيتها وجبرتوها الا انها تملك احن واعظم قلب في الدنيا فديتها انا
والله اذا رحت عندهم انها تسلم في يدي وراسي وارجع اسلم في يدها وتسحبها مني وتسلم هي في يدي مع اني اسحبها وارفض بس مااقدر عليها فديتها و الله يرفع قدرها دنيا واخره يارب >> تقلبت مواجعي مره اشتقتلها :44::icon33::44:

المهم جدتي هذه دغري مره وماعندها لف ودوران ابد وتحب كل شئ يطلع من تحت يدها يكون كامل مكمل والكمال لله وحده
وكانت وانا صغيره احيانا تقسى علي بالكلام عشان اتعلم واقوم انا ازعل
وتجي عندي تراضيني وتقول (( يابنتي يابخت من بكاني وبكى علي ولامن ضحكني وضحك الناس علي ))

واقول لا انا ماابغاك تزعليني ابد بالعكس ضحكيني واضحكي علي عااااااااااااااادي >>> بزررر:icon28:

وبعدها عرفت قيمة حكمتها هذه بعد ماجربت النسوان وكيدهم واااااااااااااه من كيد النسوان

حسبينا الله ونعم الوكيل:(
وعندي قصص كثيره بس من بعدكم طبعا