السلام عليكم
هذه مشاريع بدايتها لا تحتاج رأس مال كثير ودخلها عالي جدا وعليها طلب
1_ تدريب الخدم سواء على الطبخ او النظافه او الترتيب والكوي
يعني انتي اختاري مجال واحد تتقنينه او جميع المجالات وكل مجال بسعره
تسوين دوره لهم لمدة شهر كل يوم ساعتين او ثلاث ساعات او اسبوعيا كل جمعه مثلا لمدة معينه وعدد حصص معينه
وتقبلين اربع او خمس شغالات عشان تركزين معاهم وتعلمينهم بإتقان ويصير لك سمعه واذا احد شاف شغل الشغاله يعرفون انها متدربه عندك
وكل شهر دفعه جديده
وممكن تسوين دورات في نفس المجال لربات البيوت لان فيه كثير يبغون يتعلمون الشغل على اصوله:08:
وممكن دورات في نفس المجال للفتيات الصغار من عشر سنوات الى 14سنه
ومن 15الى 18سنه
لان مالي خلق ادرب بنتي بنفسي :mad:
2_دله وحلا
يعني تسوين قهوة بطريقه مميزه وتتخصصين في نوعين او ثلاثه حلا مميزه وترسل مع القهوه وبتلاقين طلبات مو طبيعيه سواء من الشباب اللي ساكنين بعيد عن اهلهم او من اللي مالهم نفس يسوون او مايعرفون
ومن المعلمات والموظفات والمريضات و.......و........و......لخ
راح تنصدمين من كثرتهم
3_ مدري وش اسمي هالمشروع :huh:
بس هو لمساعدة النساء على تنظيم بيوتهم
يعني انا ماعرف اوزع المواعين والاغراض في دولاب المطبخ وانظمها بطريقة بعض النساء في قسم النظافه والتدبير
وافكر لو فيه وحده شغلتها تجيني وتقول هذا حطيه هنا وهذا هنا وحطي مفارش تحت المواعين ذي وممكن ترتيب دواليب الملابس والتسريحه
وبإمكانها تشترط يكون عن المرأة خادمه او تقول جيبي خادمه بالساعه او تجيب شغالتها معاها وهي توجه وتفهم وتنسق الاشياء وممكن تضيف لها اشياء من عندها
4_مدربه في المنزل
مدربه ماذا؟
ممكن تدرب على المكياج الشخصي للمرأة نفسها
ممكن تدرب على التسريحات الشخصيه للبيت والجامعه والدوام والعزايم البسيطه
ممكن تدريب على تنسيق الملابس المناسبه للمرأة وتجهزي لها كم تنسيقه لمختلف المناسبات والدوام والبيت وايش تلبس اكسسوارات سواء تطلعي معاها او ترسلي لها صور الاشياء وتاخذها من محلات تدليها عليها
ممكن تدرب على رياضه معينه
يعني دخلتي نادي وسويتي تمارين مفيييده وتعلمتي من اليوتيوب وصرتي ممتازه تدربين نساء اخريات او يوجا او اي رياضه تعرفيها
5_ وهذا مشروع هديه لأزواجكن و اخوانكن
مشروع سفاري للاولاد في صحارينا الواسعه مشاءالله
وتعليمهم كيف يخشوشنو <<<كذا تكتب؟:huh:
المهم يعني يصيرون خشنين عن طريق شب النار وعمل القهوة والذبح والصلخ والشوي وركوب الخيل والصقور والصيد والقصيد وسير الفرسان يعني بالمختصر تعليمهم حياة الباديه بكل تفاصيلها وهذا يعتبر مشروع سياحي يعني لو سواه صح وطوره ممكن تلاقين اقبال من الخليجيين في الاجازات في البدايه يخليه لعمر معين مراهقين مثلا بعدها ممكن يحطه ثلاث او اربع فئات
اطفال من 10الى14 سنه
مراهقين 15الى 18سنه
شباب من 18 الى 24
رجال من 25الى 100سنه;)
هذا المشروع حلمي منذ الصغر:44:
ولو طبقتوا الافكار راح اجيب غيرها :02:
أمل قادم @aml_kadm
عضوة فعالة
افكار لمشاريع منزليه لاتحتاج رأس مال ومربحه جدااااااا ومبتكره
23
14K
يلزم عليك تسجيل الدخول أولًا لكتابة تعليق.
مره حلوه افكارك ماشاء الله
احلى فكره سفاري الاولاد لاني افكر فيها خصوصا ان عندي اولاد ونفسي يتعلمون الاعتماد على نفسهم
ولقيت نفس فكرة المشروع في الامارات والكويت والمشروع ناجح جدا
احلى فكره سفاري الاولاد لاني افكر فيها خصوصا ان عندي اولاد ونفسي يتعلمون الاعتماد على نفسهم
ولقيت نفس فكرة المشروع في الامارات والكويت والمشروع ناجح جدا
الصفحة الأخيرة
ما شاء الله
خاصة تدريب الشغالات