افكار جديده لتزيين باب الصف الدراسي

انا في المدرسه الي اتدرب فيها كل بعد مدة يغيروا الطالبات تزين بابا الفصل علي حسب الاسبوع

مثلا اسبوع النظافه ادوات وعبارات عن النظافه

اليوم الوطنى شعارات والوان خضراء

الأرهاب رسومات وملصقات

واغلب الافكار تكون من طالبات الفصل انفسهن

شوفي قي الفهرس

صف كم؟؟

ان شاء الله أقدر أساعدك..

ابى حركه تكون للتزيين مب للنظافه وهالسوالف
لان في مسابقه اجمل صف

وتكون مبتكره غير مكرره

وشكرا لمروركم الكريم

أنا عندي طريقة شفتها على باب أحد المحلات الفخمة.. وكان الباب شكله مميييز وراقي في السوق...

كانوا لافين على بابهم ورق كريشة عريض وردي واللف ( مو كل الباب ..لا) تعرفين كيف تربطين فيونكة على هدية؟؟ بنفس الطريقة على الباب يعني جيبي ورق الكريشة العريض( أذا ما لقيتي تقدرين تستعيضين بالتفتا أو التل الوااقف) وأنت داخل الفصل دخلي طرف الورق من تحت وفوق الباب و من برا الفصل اربطي الطرفين على شكل فيونكة كبييرة...

الشكل ناااعم جدا وتقدرين تغيرين عن الوردي وتخلينة بنفس لون ديكور الفصل من الداخل..
لكن الوردي أعتقد بيكون ناااعم واجد..


وعندي طريقة ثانية بأنك تخلين الباب على شكل باب من بيبان أكواخ الريف..
يعني تخلين فوقه مثلث من صفيحة خشب رقيقة كأنة كوخ وتعلقين أكليل ناااعم على الباب..

وممكن تعملين حركة تشجيعية للبنات بأنك تضعين على الباب شكل يشبه النافذة بحيث تقدرين تدخلين ورقة بها أسم الطالبة الممتازة كل أسبوع مثلاً..


ولا تنسين في الأخير تعلمينا وش استقريتي عليه :)