مرت صاحب زوجي

السلام عليكم ورحمة الله وبركاته



بنات مرهه متضاايقه من مرت صاحب زوجي قصتي انا مغتربه ليا سنتين جلست سنه و كنت فرحانه انو حتجي وحده معايا من نفس المدينة اللي انا فيها.. من اول ما اتقابلت معاها ما ارتحت لها .. هيا ما شاء الله عليها من النوع اللي تهتم فنفسها وشايفه انو انا وبس و انها هيا اللي فاهمه وهيا وهيا فالبدايه مشيت معاها سارت تبغاني امشي على كيفها وانا ما احب دي الشخصيات مره كنت لابسه كعب بعدها بفتره قالتلي مدري مين لابسه جزمه كعب مره ماهو حلو زي حقك اللي جيتيني بيه واسلوبها كان ينرفز انا هنا انفجرت قلتلها كل وحده وزوقها فاللبس يمكن شي انتي تشوفي مره حلو انا اشوفو مره مو حلو قلتلها اتكلمي معايا زي الناس قالتلي كل واحد حر بطريقتو المهم لما شافتني كم يوم ما عبرتها جات تعتذر وما قصدي ومدري اي .. وعرفتها على البنات اللي دايما اجتمع معاهم احسهم يشيلو همها اكتر مني مع اني كنت معاهم من قبلها والله اقول ياريتني ما عرفتها عليهم .. هيا من النوع اللي ينقل كلام ويزود عليه .. وتحب تلفت الرجال لها دايما بالكعوب حتى المطار ترو ح بالكعب ما احب انو زوجي يوصلها معايا كم مره تلمحلي انو نروح ونجي مع بعض وزوجها كمان مستغل زوجي كل ما يسافر يقلو وصلني انا ومؤتي المطار .. هيا تقرب لمرت ابو زوجي من بعيد مره جلست معايا ةجلست تقلي شايفين نفسهم ومدري اي قلتلها انا ما احتكيت فيهم كتير وما شفت منهم شي راحت نقلت الكلام وزودت عليه من عندها جا ابو زوجي يكلمني والله اني مرره زعلت وقتها وولا كلمتها ولا جبت لها سيره .. دحينا لها كم يوم والده قلت خليني اكون احسن واباركلها رسلتلها ولا ردت .. مع اني انا حملت فشهر واسلبت ولا كلمتني وقتها هيا رجعت السعودية .. المهم دحينا قريب بنرجع كلنا نسافر وشايله هم اشوفها احس نفسي ماني طايقتها مره واتمنى انو زوجي يبعد عن زوجها مع انو طيب و زوجي مره يحبو بس برضو يحب يستغل هوا ومرتو وزوجي لما اقلو لا تخلي الناس يستغلوك يقلي انتب ما تحبي تساعدي .. دحينا اصلا عصبا عني حتجي فجمعة البنات .. كيف اتعامل مع الشخصيات اللي زي كدا ؟؟؟؟