ياحبيباتي ربي يحفظكم ويخليكم ويوفقكم مشكورين على الردود
ريحتوني يا قلبي انتم

انا كل خوفي اقول مانزل دم ولا تقلصات ولا شي هذي اعراض توقف النبض بس امس عند الدكتوره ومطمنتني كل شي زين بس يوم رجعت منها وصار الجماع وسوست مره اعذروني يابنات ترا لي سنين انتظر هالحمل

الله يتمم لك على خير الوسواس مرض،
لو الله لايقدر وقف النبض ينزل معاك علطول افرازات ودم شوي لا توسوسين .. انتبهي لنفسك وعيشي حياتك
الي ربي كاتبه بيصير ، ربي يوفقك حبيبتي

يااااالله ليش تخلين الوسواس يلعب فيك
هذا من كثر مانقرأ في هالمنتديات
النفسيه لها دور تلعب بهرموناتك وكل شي
استودعيه الله وكل مافكرتي استغفري وقولي هذا من الشيطان
واللي كاتبه الله بيصير
ليش تقتلين فرحة حملك بالوسواس ولاتفكرين تجيبين شي للبيت عشان تشوفين النبض
ومن قال ان الجماع يأثر
اذا ماشاء الله امورك تمام توكلي على الله
انا تأخرت سنين اول حمل لي وكنت في غربه وقالت لي الدكتوره اذا وضعك سليم عادي مارسي حياتك طبيعيه امشي وسوي رياضه وجماع وعادي كل شي
ويافرت سبع ساعات فالطياره والحمد لله
فالبدايه كنت اخاف من كثر مااقرأ لكن بعدين قلت ليش مااتوكل على اللي وضعه في بطني
والغثيان فيه ناس مايجيهم ابدااااا ولو انقطع عادي
انا في بنتي اسبوعين بس وانقطع والحمد لله جبتها بصحه وسلامه
والحين حامل وانتظر الفرج من ربي
نصيحه نصيحه عيشي حياتك وترى التفكير والوسواس هو اللي بيأثر عالجنين
وفيه ناس عالمثبتات وربي تمم حملهم
ايقني فقط يقين تااااااااام وتوكلي عليه

حرام عليك ليه تسوين فنفسك كذا
راح تضيعين على نفسك الاستمتاع بهذه الايام الحلوه
بالعكس لانك تأخرتي مفروض تستمتعين اكثر!
مو ت س وين فنفسك وزوجك كذا
حتى زوجك راح يفقد متعة هالايام


اسألي نفسك
لو كان مكتوبلك يتوقف النبض لاسمح الله
وسويتي سونار كل اسبوعين راح تردينه ؟
لو فكررتي اكثر راح تردينه ؟
صدقيني اللي كاتبه ربي ماراح تردينه خلي ايمانك قوي
واحسني ظنك بالله وراح يكون ربي عند حسن ظنك
توكلي على الله وكل صباح ومساء حطي يدك ع بطنك
واقري الاذكار واستودعيه الله
وعيشي حياتك وانبسطي