جرثومة المعده ونقص فيتامين دال قتلوني/ قديم

السلام عليكم ورحمة الله وبركاته
شهر مبارك عليكم اجمعين
بحكي لكم قصتي كامله وياليت تفيدوني
قصتي مع جرثومة المعده ونقص فيتامين دال
صارت المشكله معي من يوم 11 في شهر 6 الماضي
فطرت فطور من مطعم وبعدها مباشره جاني استفراغ (تقيؤ) وخف علي بعدها لمدة يوم ونص ورجع لي القيء
ورحت مستوصف خاص عطوني مغذي وحبوب
ع انه نزله معويه
مافادة معي زاد التقيؤ
رحت مستوصف اخر طلبو مني تحليل براز اكرمكم الله
وقالو عندك بكتيريا وصفو لي علاج
مشي الحال كم يوم بعدها رجع لي التقيؤ والاسهال
رحت سويت تحليل دم طلع عندي جرثومة معده
ووصفوا لي علاج واستخدمته خف عني التقيؤ
جت الاختبارات ورجع لي القيء
وفوق كذا دوخه ونفسيه تعبانه وارهاق
وارق وخفقان
والم في العظام
رحت سويت تحاليل ومنها فيتامين دي طلع نسبته 8
وعطوني علاج نقط لمدة 8 ايام كل يوم علبه
تركت هالمستوصف ورحت عند استشاري
وقالي استمري ع علاج القيء وعلاج الحموضه حق التهاب المعده امبرازول
واستعملته حول شهرين ولا فاد معي
وقالي استمري ع فيتامين دي كل اسبوع علبه
ووصف لي حبوب مجموعة فيتامين
وخف الوضع شوي والحين قبل رمضان بسبوع لين اليوم 2 يوم من رمضان
تجيني دوخه يوميا واحس جبهتي فيها حراره غير عن باقي الجسم
خوف وقلق واكتاب
ووسواس مجنني وسواس قهري
بلغم كثيف يسبب لي تقيء مع الفطور والسحور كل ما اكلت رجعت
واوقات صداع خلفي اول ما اصحى من نومي بالذات
وتشتت في تركيز النظر
عيوني صارت فيها خطوط لونها ازرق واحمر وبني رحت لدكتور عيون قالي جفاف في العين وعطاني قطره جفاف 4 مرات في اليوم
لمن اطلع في الشمس اشوف زي الفقاعات تتطاير مدري من الجفاف او لا
وغباشة في النظر لمن اركز ع شي
الدوخه ملازمتني
وذي قصتي فيه تفاصيل اكثر بس ما قدرت اجمعها كلها
الحين مستمره ع زبادي ثوم من شهر تقريبا ونفس الوضع
بروح احلل وخايفه نفس النتائج تكون
المشكله عندي دوام ولاني قادره اشتغل من الدوخه
والرغبه في التقيؤ
الله يشفيني ويشفي جميع مرضى المسلمين
دمتم بخير