اختي طالبه الاجر رحم الله صغيركي وجعله شفيع لكي اولا ودي اعرف انتي من اي دوله لان الحمد لله الحين تقدم العلم بفضل الله وانا اعرف ها ذا المرض لانه صار لولد عمي ولحمد لله سووله الزراعه من اخته لانها كانت مطابقه له والحمد لله نجحت بعدين هو جلس عندهم في المستشفى وتابعون حالته ويعطونه جرعات كل كم شهر والحين الحمد لله خلصت الجرعات وطلع من المستشفي وشفي ولله الحمد يعني ما على الله شي اذا كان كاتب له حيات ان شاء الله بيعيش انتي احملي وتوكلي على الحي القيوم الرحيم وانشاء الله يرزقك الذريه ولا تخافي لوطلع فيه المرض لاتجهضيه انشاء الله ان ربي بيشفيه زي ولد عمي بس انتي تعالي وعالجيه في السعوديه في مستشفى التخصصي الحين عايش زي اي ولد طبيعي ولله الحمد بس طبعا بعد ما كمل سن 6 وهو كان مو اول ولد يعني هوكانبعد ولد وبنت يعني مو كل حمل يطلع فيه ها ذا المرض والله على كل شيء قدير انتي رددي الدعاء حسبي الله لا اله الا هو عليه توكلت وهو رب العرش العضيم 7 مرات اذا اصبحتي واذا امسيتي وبعد كل صلاه

كلام أخواتي صحيح استخيري مرة واتنين وتلاتة وربنا يكتب لك الخير وأقرأي سورة البقرة وشغليها في بيتك وأدعي ربك في السحر إنه يشرح صدرك ويسهل أمرك ويلهمك للخير والصلاح .. ولا تقولي ما أبغى أحمل ما تعرفي فين ربنا كاتب لك الخير ويمكن هدا الولد يكون خير لك في الآخرة وربي يبنيلك يارب بيت الحمد في الجنة إذا حمدتي واسرجعتي وقولي (اللهم أجرني في مصيبتي واخلفني خيرا منها) بدل ما تخافي، وربي يعوضك بابنك خير ولا تنسي .. لا تنسي الدعاء وحمد الله على كل حال والاسترجاع ..

تحياتي أختي وكوني مطمئنة بالله ..

السلام عليكم اختي طالبه الاجر

الله يهون عليكي مصابك ويرحم صغيرك ويجعله من عصافير الجنه ان شالله
ودي اساعدك بس ماعندي خبره بهالامور والله بس حبيت ادعي لك الله يفرج همك
ويرزقك من اوسع ابوابه ان شالله

قلبي معك

الله يهون عليكي مصابك ويعووضك خير وربي يكتبلك اللي فيه الخير اكثري من الدعاء والصدقه وربي ان شاءالله يجبر بخاطرررررج

الله يهون عليك مصيبتك ويخلفك خيرااا منها .. الله يجبر كسرك اختي ويكون بعونك يارب
بس حبيت افيدك .. جاره لي عندها نفس الشي .. بنتها الأولى مصابه بهالمرض والحين عمرها
5 سنوات وقرروا عليها مستشفى الملك فيصل التخصصي عملية زراعة النخاع من اختها الصغيره
بعد شهر ... والحين مستمرة على تغيير الدم كل اسبوع ..
واحب اقولك انه محتمل انه يطلع طفل سليم وطفل مصاااب
والمستشفى قالوا للزوج والزوجه .. في حالة التفكير بالحمل لازم يجون يسوون لهم تلقيح صناعي
عشان يأخذون الحيوانات الصالحه ويبعدون الحامله للمرض .. ويلقحونها للصالحه من البويضه عند
المرأة الغير حامله للمرض ...
يعني الحمدلله الطب تطور ..بفضل الله .. والانترنت وسيلة راسلي اطباء وخذي فكره