كيكه راقيه وسهله ومضمونه وممكن اتعلمين خدامتك اذاكنتي مشغوله اوموظفه(الخطوات بالصور)

السلام عليكم ورحمه الله وبركاته
ساعات وانتي جايه من الدوام الظهررررررر يقولك زوجك انه راح يزوره واحد من ربعه او صديقه العصر
فتخيلي معاااناتك حزتها...
اكيد يبيله شي اتقدمينه مع العصير او الشاي
وانتي تعبانه وبنفس الوقت ما ودك اتزعلين ابو عيالك
او ساعات ودك اذا قمتى العصر الا تلقين لك كيكه اتمزمزين فيها مع الشاي وانتي مرتاحه ورااايق مزاااجك
هذي الكيكه علميها خدامتك وهي سهله جدااااااا
وبنفس الوقت النتيجه مضمونه (ان شاء الله)
وهي قاعده اتسوي الغدا اتسويها لكم

الاستعداد:
يجب اشعال الفرن قبل البدأ بالعمل(من الاسفل)

المقادير





1/3 1 كأس زيت (صوره رقم 1)
2 كأس سكر (صوره رقم 2)
1/2 1 كأس حليب (صوره رقم 3)
3 كأس طحين (صوره رقم 4)
وتضيفين لكل كأس طحين ملعقه متوسطه بينج باود(صوره رقم 5)
6 بيض

الطريقه:


يضرب السكر والزيت اولا (صوره 1)
ثم نضع البيض ونستمر بالضرب (صوره 2)
ثم نضع الحليب نصف الكاس (صوره 3)
ثم نضع الطحين(صوره 4)
وهكذا حتى نهايه المقدار (يعني مره حليب ومره طحين)(صوره 5)
ثم نجهز صينيه مدهونه ومرشوشه بالطحين (صوره 6)
ثم نضع 3/4 المقدار في الصينيه
والثلث الباقي نضع عليه ملعقه بودره كاكاو (صوره 8 و9)
ونحاول ان نعمل حلقه بخليط الكاكاو بالوسط كما في( الصوره7)
ثم توضع في الفرن واتقصرين النار لأأأأأأأأأأأأأأأأأأأأأأأخررررررررر شي
يعني النار تكون واطيه واتركيها (والا اقولك انسيها )لمده ساعه ونصف
وديري بالك تفتحين عنها الفرن قبل مروور الساعه والا هبطت كيكتك
يعني اللي تبي اتعلمها الخدامه راح تكون سهله
بهالساعه ونصف الخدامه اتكمل باقي الشغل
واذا انتي اللي مسويتها روحي للصاله وارتاحي واقريلك كتاب او تصفحي النت
اهم شي ان النتيجه مضمونه (كيكه منتفشه طريه بدون فجوات ولا فراغات)

وتقديرين اتفننين بالنكهات
اذا تبينها بالهيل والزعفران حطي عليها(على نفس هذي المقادير هيل وزعفران)بس احذفي الكاكاو
واذا تبينها بالبرتقال احذفي الحليب(الكاس والنصف) من المقادير واستبدليها بعصير البرتقال+بشر برتقاله
واذا تبينها بالليمون احذفي الحليب (الكاس والنصف)من المقاديروحطي بداله عصير ليمون+بشر ليمونه
واذا تبينها كلها شوكليت(كاكاو) حطي معاها 3 ملاعق كاكاو بودره
واذا تبينها بنكه القهوه حطي معاها 2 ملعقه قهوه (نسكافيه + ملعقه كاكاو)