ألوان شقتي

السلام عليكم
كيفكم ياحلوات
انا راح اسكن شقتي الجديده قريب والان في حوسة الصبغات
فحبيت استشيركم واخذ رأيكم
1/الصاله ع امتدادها سيب وتعتبر واجهة مدخل النساء
فكرت أخلي لونها سكري ساده وأحد الجدران ورق جدران وحواف ديكور الجبس ذهبي .. وش رايكم
2/ مجلس النساء 4*5 فكرت 3جدران رمادي وجدار بنفسجي غامق وراح اسوي الكنب جلد أبيض ومخدات ملونه .. رأيكم !
3/ مدخل الرجال والمقلط والمجلس بخليها بلون واحد من درجات البيج وبما ان المجلس كبير راح اخلي احد جدرانه بني غامق ..رأيكم !
4/ غرفة نومي عباؤة عن غرفتين فاتحتهم ع بعض بقوس جبس
جهه فيها السرير وجلسه صغيره والثانيه للملابس والتسريحه
فكرت اسويها 3جدران سكري وواحد عنابي ومتردده مره ... أبي رأيكم !!

لاتبخلون علي بأي اقتراحات حتى لو عارضت اللي كانت فبالي
وياليت لو عندكم خبره برقم درجات الألوان تساعدوني فيها وأكووووون من الشاكرييييين :-)