محتاجتكم حييييلادخلوا وافيدوني ولو بشي بسييييط

الله يخليك لامك شوفي ياقلبي بنسبه لامك سوي لها مرقوق ومرة مطازيز ومرة ملوخيه ومرة صينيه خضار بلفرن ومرة شوربه حب وبنسبه لسنبوسه حقتها تكون في الفرن واهم شي السلطه مرة خضرا ومرة سلطه ماش ومرة فتوش والحلي سوي اي حلي بس بدل السكر العادي حطي لها سكر الدايت حق الحميه والحليب كامل الدسم خالي الدسم اشوف انها ماهي مشكله مرة سهله المساله اهم شي اطبخي اكلك بطريقه صحيه سكر دايت وملح قليل جدا وزيت قليل وحبذا تلغينه مرة وحدة والعصيرات تكون فرش طازجه الله يسعدك يارب اما بنسبه لخادمه انا ماني من المدينه الله يرزقك انا عندي لك فكرة بخصوص المواعين جيبي طشت كبييبر وعبيه مويه حارة وكلوركس وصابون واي مواعين حطيها فيها واول ماتفضين اغسليها مرة طريقه سهله جدا وممتازة انا استخدمها روعه وفرت علي الجهد والله موفقه

ماشاءالله كفت ووفت نفسي اكون ماما

الله يخليك لامك ويحفظها لك يارب

اول شي اشتري صحون بلاستك والحلى اختاري حلويات خفيفه مهلبيه كاسترد ماسيه وكل بين فتره جهزي لاخوانك الحلى اللي يحبونه علشان كثرة الحلى الدسم يضر الوالده والمفروض اخوانك يتفهمون وضع امك واذا اشتهو حلى معين مومشكله يشترون جاهز يخففون عنك فطوركم فول وتميز وشوربه وفتوش وسمبوسه لفي حق ثلاثه ايام ونوع حلى مثلا وبكذا الله يعطيك العافيه رمضان حر بنشرب مويا وعصير كثير والاكل قليل اللي يشبعنا لكن احنا نشيل هم وان شاء الله ربي يسهلها

اختي كرزه الله يخليلك امك ويسرلك امرك ان شالله
انا اقول فرزني معضم الاشياء مثل السمبوسه احشيها ولفيهاا وفرزنيهاا وكل نوع اكتبي عليه وش حشوته مثل جبن اولحم او دجاج او خضار وكمان الخضار المشكله قطعيهااا وزعيهاا باكياس حقة اللحم وفرزنيهاا تستخدمينهاا لصواني ولليدامات بعد وحشوة البيتزاا بعد سوي كميه وزعيها باكياس وفرزنيهاا
والدجاج اسلقيه وفتتيه وفرزنيه اما المواعين كل شي تخلصي من استخدامه اغسليه على طول علشان ماتكثر عليك المواعي الله يعينك اختي وتذكري الاجرا من الله وبالنسبه لخوانك سوي لهم الحلى الي يشتهونه وحصت امك خليها صغيره مره وحطي معاها كيك او بسكوت اواي شي يصلح لمرضي السكري على فكره فيه انواع كثيره من الحلى والكيك لمرضى السكري واسفه على الايطاله وبالتوفيق