اناقتك في البيت وانتي حامل

انا افضل لبس البيجامات فى البيت مع شال كبير وحتى الجلابيات شكلها بيكون حلو مش لازم زوجك دايما يشوفك بالجينز والبدى تخيلى انك عامله نيو لوك لمدة تسعه اشهر وكله تغيير
بالنسبه للكريمات انا ادهن جسمى عادى اعتقد انه غير مضر باذن الله
كمان بحط مكياج خفيف ..بالنسبه للنوم فى قمصان واسعه لا يشترط المحزق والملزق وتكون مريحة

نفس الشعور والله. انا حاسة انه يمكن مل من منظري و انا بعد ملييييت بس ما نقدر نعمل شي لين يجي البيبي لان البديات و قمصان النوم الحلوة منظرها حيكون مش ولا بد. الله بعيين بس انا بحاول اعتني بشعري و مكياجي مع اني حاسة وجهي صار بحجم البطيخة. بس الحلو انه بعد الولادة و بعد ما ننحف شوي ونتكشخ و نعمل الشعر و الملابس الحلوة بيرجع الاحساس كانك عروسة و اول مرة يشوفك كدة انشاء الله

السلام عليكم حلوات..
حبيباتي ما عارفة ليش مصعبين الأمور ومعقدينها..
ترى صدقوني في أشياء تتلبس وتخلي شكلك حلو ومرتب بدون ما تكون ضيقة أو تسبب لك ضيق وانتي بالبيت أو نايمة..
بالنسبة للجلابيات ممكن.. بس أنا أتجنبها لأنها تكبر شكلك وتبينك تعبانة أكثر عن اللازم..
ألبسها لما أنزل عند حمياتي.. بس في صالتي وغرفتي لبسي غير..
استغلي شكل جسمك وانتي حامل.. تجربة ما تتكرر كثير.. ولا تكرهين منظرك.. صدقيني يتحول إهمال وزوجك بالنسبة له مهما كنتي قريبة منه وحبيبته فتجربة الحمل بالنسبة له خارجية.. ولا يزال يحب يشوفك أنيقة..
في برمودات البيت الواسعة اللي تجي بخيط للتوسعة.. ممكن تلبسينه حتى آخر شهورك الوسطى (آخر السادس) وممكن أكثر حسب حجم بطنك وزيادة جسمك..
القمصان اللي تجي ضيقة من فوق وواسعة من تحت الصدر ما اكثرها بالسوق.. لانها موضة اساساً..
ولا تنسين الفساتين البسيطة اللي تكون بنفس القصة.. مريحة وشكلك يطلع وايد حلو فيهن..
وبالنسبة لقمصان النوم..
أستغرب لما تهملين هالشي حبيبتي..
فترة الحمل ممكن تكون (في حالة انعدام أي مشاكل صحية تمنع ذلك) من أجمل الفترات التي تمارس فيها العلاقة الزوجية..
وقمصان النوم اللي تيجي على شكل فستان قصير ساتان او حرير ولها قصة واسعة من تحت الصدر كثيرة..
انتي لا تترددين انك تجربين في المحل.. بتلقين اشياء تناسبك..
البيبي دول ممتاز أيضا.. اذا ما تحبين الموديلات المفتوح بالنص بلاش..
تجنبي قمصان النوم الطويلة لانها تطلع شكل جسمك بشكل غير جذاب.. الا لو كانت ذات قصة واسعة من فوق البطن بطريقة حلوة..
مثل ما قلت لكم.. جربوا.. وراح تلقون..
وفي موديل يجي مثل قميص البيجاما العادي بس طويل وبدون بنطلون بس قطعة وحدة ومفتوح من الامام بأزرار.. ياريت تكونون عرفتو قصدي.. بعد حلو.. ووسيع..

اتمنى أكون نفعتكم.. وأتمنى لكم السعادة في الحياة بإذن الله تعالى..
والله يقوم الجميع بالسلامة ياااااااااارب :)

هلا عزيزاتي
شكرا على مروركم
وعلى الاراء الحلوه
الله يسهل لنا ان شاء الله وتعدي هالفتره على خير

والله انا البس جينزات عادي حقت الحمل
والبس بلايز علاقي بدون امام حقت الحمل كمان او اي تيشيرت واسع عندك ينفع
والبس فساتين قصيرة للركبة علاقي واسعة عند البطن تخليك كيوت مررررة
وعند النوم البس بيجامات او قمصان حرير للركبة او طويلة واسعة شوي
يعني ماشي الحال
بصراحة انا الجلابيات ما البسها ابدا في الحمل تخليك كورة استغفر الله ما لي داعي