زوجي يقهر يقهر يقهر يقهرررر

السلام عليكم

بنات بموت قهر من زوجي بموووووووت قهر

امس الاربعاء خلصت الاختبارات وكان واعدنا يطلعنا انا والعيال
طلع من الدوام تغدى ويا نومه كوني نومه ..قلت معليش تعبان من الدوام ماقلنا شي
يصحى من النوم ويرجع للدوام مره ثانيه ( ليش ترجع للدوام مره ثانيه يا فلان ؟؟ ) قال عندي شغل ضروري لازم اخلصه قبل السبت
قلت يعني مو طالعين ؟؟
قال اذا جيت نتفاهم
الساعه 7 بالليل يدق قال ايش !! انا معزوم وناسي :(
ياليتني على الاقل رحت لبيت اهلي ولا قعدنا ننتظره


اليوم الخميس نام للظهر ويوم صحى قلت له بتطلعنا اليوم عن طلعة امس ؟؟ قال طيب
ويوم جا بعد صلاة العصر قلت له وش رايك نطلع نتغدى برى ؟؟
قال لا حر وقرف وش يطلعنا هالحزه
قلت والله معك حق وسويت غدا خفيف في البيت ... الاخ اكل من هنا وينسدح بالصاله ويتغطى وينام :(
ضفيت العيال ورحنا عند التلفزيون بمكان ثاني
صحى على المغرب راح للمسجد ويوم رجع حطيته امام الامر الواقع لقاني لابسه العبايه وعيالي على سنقة عشره ننتظره
قال يله مشينا
ركبنا السياره وعيالي مساكين طول الطريق وهم يتمنون واحد يقول ابي الملاهي وواحد يقول ابي ايسكريم
الاخ وين ودانا ؟؟؟؟؟
عند امه !!!!! :eek:
طيب احنا نزور امه كل يومين وش معنى تودينا لها اليوم بعد ... قلت ما يخالف يمكن بيقعد عندها شوي ونطلع نروح مكان << ما فقدت الامل :hahaha:
جلسنا عند امي وانا طفشاااااااانه
واخيرا طلعنا قلت له وين بنتعشى ؟؟؟:22: << يقال لها احرجته
قال تصدقين ما اشتهي عشا قلت بس انا نفسي في كذا ( اكله معينه )
ما علق ومشى لحد البقاله ودخل اشترى لمبات للجراج حق سيارته ورجع للبيت
انا ما صدقت قلت من جدك بتروح للبيت ؟؟!!
قال ايه وش تبين بعد ؟؟
عيالي قعدوا يصيحون
والله ما الومهم انا بغيت اصيح !!
طلبت لهم عشا من برى وتعشوا وناموا
دخلت اتحمم ويوم طلعت لقيته نااااااااااااااااااااااايم :eek: الساعه 10 يا ناس
والله بغيت اذبحه لولا اني تعوذت من ابليس