بنات صارلي موقف خلاني ابكي من قلبي

السلام عليكم ورحمة الله وبركاتة

قصتي ان انا حملت قبل فترة لكن ماكتب الله ان يكمل الله يعوضني يارب وقالت لي الدكتورة الدورة تنزلك بعد شهر او 40 يوم من عملية التنظيف والدورة تاخرت الاسبوع الماضي عمل زوجي عمليه وكنت مرافقه معاه بالمستشفى قالي الدورة متاخره ايش رايك تنزلين تحللين قلت بالاول لا مو حامل هو اصر الا انزل ونزلت وعملت التحليل قالت بعد ساعه تعالي المهم واطلع واتقهوى ويجون زوار ويوم نزلو قالي انزلي للتحليل رحت للمختبر وليتني مارحت ولا سمعت كلام زوجي تخيلو بنات قلت للممرضه على اسمي شكلها سمعتني غلط الا قالت في حمل واخذ الورقه واقراءة الكلمه بوزتف واحمدا لله واقول الحمدلله ربي عوضني ويوم جيت اطلع من المختبر الا تطيح عيني على الاسم :icon33: مو اسمي طلع وارجعلها واقول هذا مو حقتي الورقه الا يوم قلتلها الاسم اعطتني الورقه ومكتوب نجتيف:icon33:
خرجت وابكي من قلبي واطلع لزوجي ويهديني قام قطع الورقه قال ماني زعلان ولاتزعلين نفسك العمر ان شاء الله قدامنا
انا لو بالاول قالت لي نجيتف ماكان زعلت كثر ماقالت انتي حامل من جد شي يقهر مااقول الا شي واحد اللهم اجرني في مصيبتي واخلفلي خيرا منها