السلام عليكم ورحمة الله وبركاته
قبل ما ابدا باي شي حابه اشرح لكم حالتي
انا وحده متزوجه وعندي بيبي واحد ولله الحمد
جسمي قبل الزواج وبعد الزواج مقبول لكن عندي مشكله
الا وهي
((( الارداف )))
ومو اي ارداف سبحان الله تجمع دهون بشع بمنطقه اعلى الفخذ على جنب
مو من ورا لالا بس من الجوانب وهذا كان اكبر شي مضايقني
حملت ومع تغيرالهرمونات برزت المشكله هذي بشكل كبير
وكل مالها وتتضخم لحد ماصارت اكبر منطقه بجسمي
ومن رجيم لرجيم وهات ياتخبيص والمنطقه محلك سر
ابدا ولا واحد سانتي
ادري بتقولون ماتحركتي ماسويتي رياضه
كانت رياضتي بالفتره اللي قبل هي المشي فقط
وبحكم ان بيتي صغير حتى شغل البيت مايحرق طاقه كثير
مرت ايام وتميت سنه ونص بعد الولاده وانا اسوي رجيم واخبص ومايفيد هذي المنطقه شي
وعلى فكره انا من رواد هذا القسم بكثره
المهم ربي هداني لكذا موضوع وقلت اجرب رجيمهم ونظامهم الرياضي ماني خسرانه شي
الرجيم اللي اتبعته هو رجيم التوست
عشان اوضحه لكم بشكل افضل
لك 8 حبات توست و4 شرايح جبن قليل الدسم وكوبين شاي بالحليب القليل الدسم برضه وتحليه بسكر دايت
واليوم اللي بعده
لك 6 حبات توست تحشيها بالحشوه اللي تبغين بس من دون حليب اكتفي بالشاي والقهوه وسكر دايت
وهكذا بالتناوب
وكنت اسوي يوم فري اكل اللي نفسي فيه
وايام الدوره الشهريه كنت اوقف الدايت واحسب السعرات الحراريه لاي شي اكله بحيث ماتتعدا 1200 كالوريز باليوم الواحد
واذا خلصت رجعت للدايت من جديد
وبالنسبه للنظام الرياضي واللي هو الاهم
اول شي امشي نصف ساعه بسرعه متوسطه الى عاليه
وعشرين دقيقه العب فيها بالاوربتراك وهذا الجهاز بعد مشيئة الله هو اكثر شي غير اردافي
اكيد كلكم تبغون تعرفون وزني كم كان وكم صار
اول شي اذكرو الله
وادعو لي اني استمر واحافظ على مجهودي
وزني كان 75
وصار خلال ثلاثه شهور59
الارداف خفت بنسبه مرضيه جدا وفيه نقطه مهمه
كنت اسوي لها مساج بفرشة الجسم كل يوم بعد التمارين
طولي 161
فصيلة دمي b+
قابله للسمنه
وقليلة الحركه
كتبت تجربتي من باب حب لاخيك ماتحب لنفسك
ولاني وصلت لمرحله طفشت فيها من اردافي وقررت اسوي شفط بس رحمة ربي اني اجلت قراري وكان هذا في صالحي حمد لله
لا تنسوني من دعواتكم بشفاء امي وهو اهم شي
وتيسير اموري وجميع المسلمين
ضيعــ الحب ــني @dyaa_alhb_ny
عضوة جديدة
يلزم عليك تسجيل الدخول أولًا لكتابة تعليق.
ماشاء الله تبارك الرحمن
الله يشفيلك امك و يطول بعمرها يارب
حلو كل واحد يذكر تجربته عشان نستفيد
الله يشفيلك امك و يطول بعمرها يارب
حلو كل واحد يذكر تجربته عشان نستفيد
الصفحة الأخيرة
تجربه مميزه