sweet_lemon

sweet_lemon @sweet_lemon

عضوة فعالة

*# غدانا .. عمايل ايديه .. بالصور #*

اطباق عالم حواء

السلام عليكم ورحمة الله وبركاته

شخباركم ياحلوين؟؟

من كم يوم قررت اني اريح امي واسوي الغدا عنها .. عاد قلت مايصير اسويه بدون ماصوره ..

الغدا كان الله يسلمكم عيش بالجزر ودجاج مشوي وشوربة خضره وسلطه .. وصورته لكم من طأطأ لين السلامو عليكو :22: من غسيل الدجاج لحد آخر شي

ونبدأ بسم الله بالدجاج ..

وبالنسبه للدجاج انا بعد صورت لكم طريقة غسيل الدجاج .. هالطريقه امي علمتني اياها والصراحه ماتخلي اي ريحة ازفره في الدجاج

بعد مانظفته وشلت الجلد منه (احنا مانحب الجلد وغير جذيه فيه هرمونات ضاره) غسلته بالماي عدل وحطيته في المله بهالشكل



وبعدها رشيت عليه ملح ودعكته وخليته شوي لان الملح يسحب الدم والزفر



بعدها رشيت عليه طحين وقلبت الدجاج فيه وخليته شوي لان الطحين يكمل اللي سواه الملح وترى ماعليه اي نقطة ماي وخليته شوي



بعدها صبيت عليه مافي وفركت الدجاج عدل عشان اشيل الطحين اللي لاصق عليه



وخليته في الماي متنقع لحد ماسويت الخلطه


يتبع ...
470
42K

يلزم عليك تسجيل الدخول أولًا لكتابة تعليق.

تسجيل دخول

sweet_lemon
sweet_lemon
وانيي الحين للخلطه

البهارات كانت الله يسلمكم
- نصف ملعقه صغيره فلفل اسود
- ا ملعقه صغيره بابريكا (فلفل حلو مطحون)
- 2 ملعقة طعام سماق
- شوية فلفل حار بودره حسب الرغبه
- ملح حسب الرغبه



عاد حسافه نسيت اكتب على الصورة بعد ماحملتها تذكرت :(

خضرة الخلطه كانت ..
- حبة بصل كبيرة مقطعه
- نصف حبة فلفل اخضر بارد مقطع
- 3 فصوص كبيرة ثوم مقطعه



المكونات السائله كانت
- عصير ليمون
- كاتشب



بعدين الله يسلمكم نحط المكونات كلها في محضر الطعام



وهذا شكله بعد مانضرب مسكين :eek:




يتبع ...
sweet_lemon
sweet_lemon
بعدها نغسل الدجاج عدل من الطحين والملح ونحطه في المشخاله (المصفاة)



نصف الدجاج في صينية الفرن ونكون قبلها مشغلين الفرن عشان يسخن



ونصب عليه الخلطه اللي سويناها ونحطه في الفرن



بعد مامر نص الوقت طلعت الدجاج وحطيت عليه قطع بصل عشان تنشوي معاه ودخلته الفرن يكمل سواه



وبجذيه نكون خلصنا الدجاج وننتقل للعيش


يتبع ...
sweet_lemon
sweet_lemon
مكونات العيش الله يسيلمكم كانت
- حبتين بصل مقطعين صغير
- 3 جزرات مبشوره
البهارات كانت ..
- 1 ونصف ملعقة صغيره هيل مطحون
- نصف ملعقة صغيره بزار (إن شاء الله بانزل لكم الخلطه قريب)
- ثلاثة أرباع ملعقة صغيره دارسين مطحون (قرفه)
- شوية كمون (على رأس الملعقة)
- كم خيط زعفران (انا حطيت بالاضافه للزعفران الخيوط شوية زعفران بودره)
وطعباً العيش مغسول .. احنا بعد مانغسله ننقعه في ماي حار ويكون اول الصبح في نفس الوقت اللي طلعنا فيه الدجاج المجمع ونقعناه عشان يفك .. العيش كميته كانت كوبين (احنا نستعمل الmug)

وهذه صور المكونات ياحلوين :26:









نبدا بطبخ العيش

اول شي نحط الجدر على النار ونحط البصل ونخليه يتحمر






يتبع ...
احلام كبيره
احلام كبيره
باين شكله لذييييذ تسلمي
sweet_lemon
sweet_lemon
بعد ماتحمر البصل نضيف له الجزر المبشور ونقلبه ونخليه لحد مايذبل الجزر ويتغير لونه مع التقليب كل شوي







بعد مايذبل الجزر نضيف البهارات والماي المطلوب لتسوية العيش انا حطيت على كل كوب عيش كوبين ماي لان نوع العيش اللي استخدمته يستخدم كميه كبيره من الماي وزدت عليه نصف كوب او اقل شوي لاني عملت حساب للماي اللي بيتبخر .. ونخليه شوي يغلي عشان تتجانس المكونات مع بعض



بعدها نشخل العيش ونضيفه للمكونات السابقه ونقلبه ونغطيه ونخليه يستوي






يتبع ...