eman sa

eman sa @eman_sa

عضوة فعالة

اتحدى احد تغير شكلة مثل ما تغيرت

العناية بالبشرة

اول شي وقبل كل شي
احب اني اشكركم من كل قلبي


وادعيلكم وحدة وحدة الله يعطيكم ماتشتهونة وتتمنونة وحدة وحدة اللي ترد واللي تقرا
على كثر ما ساعدوتني


"انا بقولكم قصتي شلون كنت وش صرت
ومن قلبي اقولها ودي كل وحدة تحس بالسعادة اللي انا حسيتها يوم تغير شكلي


اناقبل فترة سويت عملية والحمدالله ابشركم نجحت عمليتي
لكن واجهتني مشكلة بعد العملية اللي انقلبت سحنتي وبكل بساطة طاح شعري بشكل مريع
وبشرتي اختربت انقلبت كاتمة والله كل ما شافني قالي عمري فوق 35 من شكلي والذبول اللي صرت فية
لدرجة اني رحت لدكتور بشرة قالي لازم حقن دهون لوجهي عشان يرد
طبعا مع النفسية اللي وصلت لها صار شكلي زفت
طبعا بديت اول شي بشعري من العناية وخاصة اني في فترة من الفترات ولحدة فترة قريبة كنت احط بودرة اللي تسود فروة الشعر من كثر ماطاح شعر
جربت خلطات وخلطات وكل ما سمعت خلطة رحت سويتها
جربت اكرينال ومبولات الصبار وكمنموتو تخيل في فترات جدا قريبة من بعض
وفية احيان كنت اسويهم مع بعض
تخيلو وحمامات زيت
وفي يوم كنت عند كوافيره مغربية تسويلي حمامات زيت وقالت لي بلا خساير الزيوت كنت مخلطة عشر زيوت واحطها تخيلو :09: من الهبل اللي كنت فية
قالت لي كلمة عندي دوا انا طلع شعري من المغرب قلت على طول جيبية وفعلا جابتة
كان القطران
وبديت استعملة تخيلو من اول استخدام خفت نسبة التساقط عندي
وبعدها بفترة استمريت عليه يمكن شهرين اسوي حمامات زيت يوم بعد يوم بالقطران قسم بالله شافتني وحدة من قريباتي قالت لي شعرك متغير وش مسوية
قلت لها ابدا احط قطران مع زيت وجلسات واخذ حبوب حديد وبشرة
تخيلو ماصدقتني بغيت اصيح من القهر بكذب عليك انا:angry2:
المهم بعد كذا خلص القطران من عندي رحت اسال قالت خلص وماراح يجيني الاا بعد ستة شهور تدرون ارتعت روعة ما تتخيلونها
:icon33:
تخيلت شعر طاح كلة وانواع الحلوم وصرت ادور احد يجيبلي قطران ورحت اسال لقيت عطار في اسواق مكة عطار مشهور وسالتة قالي مقطوع انهرت رحت لعطارة بن منقاش وعطوني الثقيل وياهو مقلب كبيرررررررررررررر
قعدت اسبوع وانا اغسلة ((ابالغ لاتصدقون ))

المهم كان ابوي يعرف واحد وطلبة منة وجتني الخلطة تقولون كاسبة ياناصيب بمليون ريال من فرحتي فية وارسلت لي مرت الرجال خلطتين وحدة وجه وحدة جسم
طبعا من جت الاغراض وانا حابستها في غرفتي ماحد شافها واذا احد طلبها عطيتة بالقطارة
طبعا احافظ على اشيائي(( كثريييي منها يالبخيلة))
وبديت استخدم الاشياء اللي ارسلتها الحرمة لو اقولكم شلون تغيرت بشرتي ماتتخيلون وها الخلطات اللي شجعتني شلون اهتم بشرتي
كانت بداية خير رحت خذت خط كينبو خط الحرير للبشرة وفعلا فاد بشرتي بشكل مو طبيعي
احسها نورت وتغيرت
وخذت كريمات العيون من شركة strivectin
صرت استخدمها يوميا تحسنت بشرتي
اللهم لك الحمد والشكر
بشرتي نورت والسواد اللي تحت عيني خف

كلمت الحرمة في يوم طبعا ابي اشكرها وخاصة اني مع الخلطات حقتها جابت نتيجة قلت لها ابي شي يرطب الجلد ويبيض قالت استخدمي الفازلين والكركم وجنين القمح وزيت الزيتون وفعلا جربتها شي مو طبيعي حسيتها الاشياء
بعد فترة بدت الاشياء تخلص وكدت اصاب بانهيار حاد
قلت مافية
بتصل على الحرمة وتقولون الله سخرها لي وتقولي اطلبي مني استحيت قلت الله يسلمك والاا وتقوم تحلف انا بغيت مااستحملت قلت طيب انا اتصل عليك شوي وارجع ادخل على النت واسوي موضوع ايش احسن الاشياء من المغرب
وفعلا الله يبيض وجيهكم ماقصرتو وارسلو ايش اجيب وزي ماقالو جبت
1)) كريم شارلي المبيض قالولي انة عشان السمار في الفخوذ ويعطي ريحة حلوة .
2))العكر الفارسي الحر .
3))الغسول الابيض عشان الحبوب .
3)) الغسول الاخضر والطين المغربي .قالو البنات انة يشد الجسم ويشيل الحبوب .
4))الليفة المغربية الاصلية الدرجةالاولى .
5))الزاز قالو انة يكثر الشعر وينعمة وهذا صادقين فية جربتة وحدة وقالت فعلا نعم شعرها .
6))الداد وهذا الله يجزى كل من نصحتني فية رررروعة وحسيت التبيض بين من ثاني مرة استخدمتها .
7))ارقان زيت الجمال والله صادق من سماة كذا .
8)) صابون الليمون عشان البشرة الدهنية .
9)) الشبة .
10)) المسك

ولايخفى القمر
طلبت القطران
وخلطة الوجة
بالنسبة لي هذولي ملك العناية انا مسميتهم

طبعا كل وحدة ساعدتني الله يجزاها خيرررر
نرجع للرواية حقتي
وقلت لها يا ام محمد كثريالاشياء والله يسعدها دنيا واخرة ماقصرت كثرت الاشياء
وارسلتها لي

لا انسى قلت لها ابي مسك
قالت لي لا مو وقتة من السنة اللي موجود الان حق السنة الماضية
وبقولكم نتيجة لكل شي استخدمتة

القطران
هذا لو يحلفوني فية على المصحف حلفت من كثر مافادني


ارقان
انا كنت دايخة على زيت جنين القمح بس هذا نافسة وطيرة بعد من الساحة
ابشكرم استغنيت عن كريم الليل
صرتاحط هو بس واصحى الصباح بشرتي منورة

خلطة الاعشاب حقت العروس اللي تنحط على الوجه
تصدقون با لا اله الاا الله شي
احطها اول شي مع العكر الفارسي وبعد ماشيلها ادهن بالارقان
شوفي بشرتكم كيف تصير منورة
اطلع من غير مكياج من تحت راس هاالخلطة

خلطة الاعشاب حقت الجسم حلوة تعطي نعومة مو طبيعية
ويوم وصلني الداد خلطها استخدمتة مرتين لحد الان
النتيجة
ما اقول اختفى السواد بين الافخاذ والكوع والركب خف بنسبة كبيرة

الغسول الابيض
توني بادية اجربه مدحوة كثير للكلف والتبقع الحمدالله مافية بس احيان تطلع حبوب قبل الدورة وهو ينشفها
طبعا الغسول طريقتة مع موية الورد وبس
مواول ما تطلع تجربتة اقولكم علية
انا اجربة لاختي الصغيرة واشوفة ينشف الحبوب

طبعا الشبة مااستخدمتها بس وصو عليها من المغرب يقولون افضل وقالتي لي وحدة انتة شوفي حجرها شلون لمعتة تختلف عن اللي عندنا
بس انا اقولك انا ماجربت

غسول الشرفا بس مو زي اللي عندنا اللي عندنا قطع صغير وناشف اللي جاني قطع كبيرة وفية دهن واتوقع عشانه توة جديد .بس يقولون علية يشد الجسم وينفع للي جسمهم مبقع وفية دهون بس الى الان ماجربتة بس اجربة اقولكم

الليفة انا ماسويت حمام الى الان بس يمدحونها كثيرررررررررررررررر ويوقولن درجة واحد لدرجة البنات يسالون عنها بالاسم مو بس يقولون ليفة مغربية .


الزاز ما استخدمتة مستخدمة امي وتمدحة
وتقول يطول بسرعة

صابونة الليمون للبشرة الدهنية
انا اختي في سن مراهقة استخدمت الصابونة واشوف بدت حبوبها قاعدة تنشف والاا خليها تستخدم خلطة الاعشاب حقت العروس اشوف اللي في جبهتها بدا ينشف ويصغر

طبعا انا وحدة كنت ما اتحمس للاعشاب واقول تاخذ فترة بس الان اقول تراها ماتطول وتطلع النتيجة
بس تدرون وش اكتشفت

كريم شارلي
ماجربتة بس قالولي حلو للمتزوجات يخلي المنطقة الحساة ريحتها حلوة ويبيض الفخوذ انا ماجربتة لسة



اكتشفت انة الاعشاب طريقة تخزينها تضيع مفعولها
اكتشفت انة لما تنحط في الشمس تضيع فائدتها

وقسم بالله بقولكم قصة حقيقية صارت معي
انا اختي مرة حطت ارقان
وكانت عندنا وحدة من قريباتي كانت نايمة صحت من نومها من الريحة حقتة تقول ريحة شي محروق
تعرفون ليش لانة جديد

انا احمد الله واشكرة انة سخرلي وحدة زي ام محمد كانت السبب في رجعة شكلي
وها الاشياء كلها عندي الان
جبتها ابي انفع العالم زي ما سخرلي الله الناس ونفعوني
وانا كنت واعدة البنات بموضوع شلون تغيرت وها انا اوفي بوعدي
اللهم لك الحمد والشكر
واي سوال انا جاهزة

صحيح ترا هاالاشياء كنت اسويها بس 3 مرات في الاسبوع يعني خلطة الوجه والجسم والشعر احطها من ساعة الى ساعتين
وزيت ارقان احطة بالليل استغنيت عن كريما ت الليل
والنهار احط الكينبو بس
وتعالو شوفو بشرتي الحين
47
30K

يلزم عليك تسجيل الدخول أولًا لكتابة تعليق.

تسجيل دخول

أم أنمار.
أم أنمار.
الله يعطيج الصحه والعافيه وتكوني دائما جميله
n_riadh
n_riadh
ماشاءالله تبااارك الرحمن
سمايل2007
سمايل2007
لرفع
الخلطه السعوديه
باقراها بروقاان


طويل المشوار الله يقويك
eman sa
eman sa
الله يسلمك ويجزاكم خير على دخولكم
مانشرتها الاا ابي افيد العالم زي مااستفدت