بوي قال بيتبرأ مني وإلآ أتزوج ولد عمي غصب عني

السلام عليكم ورحمة الله

والله أنا جادة ودخلت المنتدى بعد تردد وتكفون ابا مساعدتكن واتقبل كل الآراء..

أنا من صغيرة حاطلي ولد عمي ما كنت ابالي فالموضوع كثر ما همي اخلص دراستي ومن خلصت دراستي تكلمت أني ما اريده بس ابوي متمسك فيه وخوتي بين وبين ، هو اصغر عني ب7 شهور من صغير وشخصيته متزعزعة ، وما عنده ثقة من غير شكله دب وصغير ، والله العظيم حاولت اقنع نفسي بس ما قدرت، كلمت هلي محد وقف معي، خايفين من كلام الناس علينا ولا فكرو فحياتي، اضطريت قبل شهر اطرشله اني ما اريده بس هو غبي خبر الكل بمسجاتي ، وكتمت عن بوي بس وصله اخوي وعمي بالسالفة ، لاني كنت اريده يسحب الخطبة من نفسه، وبوي فالاصل ما شاورني فالخطبة ولما وصله اني ماباه زعل علي وجلس يصارخ لامي حتى قلت موافقة غصب عني عشان مايطلق امي،والحين بوي زعلان علي اني طرشتله وقلتله ماباه، وقال إذا رفضته خلاص بيتبرأ مني ونا والله العظيم صليت استخارة كم مرة وصارت مواقف خلتني خلاااااص أكرهه وما قدرت اقنع نفسي زيادة ومستحيل اقتنع فيوم مع اني والله ما حاطة حد فبالي وكارهة امه وكارهه كل من تدخل فالسالفة..حتى بديت اكره هلي ليش يغصبوني ع شي ما فيه راحتي وما اتخيل نفسي فيوم معه..اكرهه والله كره..

دخيلكن ابا مساعدتكن عشان تساعدني كيف اقنع بويه وكيف ود عمي يسحب خطبته بدون مشاكل لاني والله مجدر اقنع نفسي زيادة...