انا امووووت بالمقلوبه واشتهيتها الليله بس ماودي اصلح رز قلت يابنت ليش ماتصلحين مقلوبة مكرونه خخخخخخ ..
وهذي قصة اختراعي للطبخه بس والله طلعت شي وزوجي يقول شبعت بس ودي اكل :D من حلاتها
المهم ماودي اكثر عليكم الهذره ...
المقادير .. خضار اللي تحبون انا حطيت بطاطس وجزر وكوسه وقرع وباذنجان وقطعتهم مكعبات متوسطه وقليتهم بالزيت ..
دجاجه وحده سلقتهابمويه وملح وشوي بهارات وقبل لاتنظج بشوي طفيت النار عنها وشلتها من المرق وسلقت فيه مكرونه صغيره كيس واحد ونفس الدجاجه خليتها ماتنضج مره ..
بعدين قطعت بصله كبيره شرائح وحمستها بالزيت وقطعت طماطم صغار وحطيته على البصل واضفتله شوي معجون طماطم ونص ماجي وحركته لين تسبك الطماطم ..
قطعت الدجاجه اربع قطع وحطيتها على الكشنه وحركتها شوي بعدين ساويتها اسفل القدر وحطيت الخضار المقليه عليها وساويتها بالملعقه اضغط عليها شوي علشان تتماسك بالقدر واخر شي حطيت المكرونه المسلوقه وساويتها بالملعقه وصبيت عليها كاسة مويا حار وخليتها تقريبا ساعه الا ربع حسيت انها نضجت من ريحتها وطفيت النار وقلبتها في صحن التقديم .. وبالعاااافيه .
تقدرون تزينون الصحن بحلقات الليمون والطماطم بس انا من العجله مازينته ابو العيال كان جوعااااان ولبكني <<<< حلوه لبكني خخخخخخخخ
عاد هاه لا تفشلوني ترا اول مره احط موضوع بهالقسم .وهذي صورته ..
