**&&(( تطبيقاتي بعضها فاشله والاخرى ناجحه ))&&**

السلام عليكم يا حريم ..

بعض التطبيقات

كيكه ساده بس سويت بعجينة الايسينغ .. فاشله بدرجه قياسيه ومن العيار الثقيل .. نفس صواريخ امريكا يقولون صواريخ ذكيه وهي غبيه .. لا تقولون حلو ما حلو .. الصور تخدع والله ..


والصورة الثانيه لرولات الزعتر

2 ونص كوب طحين
كوب ماء
نص فنجان قهوه سكر
ربع فنجان زيت
خميره

تترك لتتخمر
تفرد وتدهن بكميه وفيره من ازيت الزيتون
ترش بالزعتر

تلف على شكل اسطوانه
تقطع قطع متوسطه

توضع عموديا وتضغط عليه

توضع بصينيه مدهونه وبالفرن

الصورة الثالثه لدجاجه تشوى على الفحم

نقعت الدجاجه في صوص مكون من ( صويا صوص + خل + عصير ليمون + بودرة الثوم + فلفل احمر )
يوم او يومين .. وتشوى على الفحم

ولاحظت ان نكهة الشوي تطلع احلى لما ما تضيفين وايد بهارات على الدجاج او اللحم

والصوره الاخيره لعزيزتي ام الذرابه كيكة قوس الرحمن بس بروحي سويت الكيكه واعتقد لو سويتها بالبتي كروكر كانت بتطلع احلى بس طلعت حلوه .. ومن فوق حطيت توفي هيهاهاهاي <<< شريره