اللحم بالقصدير مع الرز الأبيض ............ لايفوتكم

والله الأكله سهله ولذيذه ولا تبي دوخة راس وطعم جنااااان
تجيبين اللحمه حقتك وتغسلينها وتشيلين عنها الشحم بعدين تتبلينها ب:
خل +جي نو موتو + فلفل أسود + ملح + كركم + بهارات مشكله
تجيبين صينية البايركس وتحطين داخلها قصدير بحيث تكون أطرافه برا علشان
تغطين اللحمه إذا حطيتيها داخله ويكون القصدير بشكل زائد + فهمتو علشان تغطينها
من كل الأطراف ... المهم إذا حطيتي اللحمه فيها حطي عليها فطر طازج بدون تقطيع
جنااان يصير كنه فقع وثوم مبشور كثريه وزنجبيل طازج مقطع صغير وتحطين بصل تقشرينه وتحطينه بدون تقطيع إذا كان صغيروإذا كان كبير إقطعيه بالنص بس و فلفل بارد وبطاطس تقطيع كبير ..
بعدين إخلطي كوب مويا مو كوب كبير وسط مع صلصه وشوي صويا وماجي وملح وزيت
وصبيه على الصينيه وغطيها بالقصدير ودخليها الفرن على درجه عاليه شوي
مو أعلى شي اللي قبلها يعني وخليها تقريبا ساعتين إلى ساعتين ونص عاد طلي عليها بها الوقت بتشوفينها تطبخ ذوقي مويتها علشان تظبطين الملح وإذا خلصت بتصير مرقتها شويه
وثقيله تهبل إفتحي القصدير قبل التقديم وحمريها من فوق شوي إذا ماتحمرت ولا أحيانا تتحمر معي لحالها من حرارة القصدير سوي معها رز أبيض ملون بزعفران رهيييب والله :cook: