وإن شاء الله تستفيدوا منه يا زي ما انا استفدت وما تكون الفكرة مكررة
أنا جدا فوضوية وما أقدر أرجع كل شئ محله بعد ما استخدمه وأرجع ارتب الغرفة في يوم الترتيب العالمي خخخخخخخخخخ
يعني لازم أخصص يوم ارجع كل شئ محله وطبعا أمووووووت من التعب
فصرت أدور أفكار لغرفتي بحيث اني اخلي كل شئ سهل لما آخده ولما أرجعه
وهذه الفكرة للأمانة سمعتها من أختي وعجبتني
بس ما قدرت أسويها لأن الخامات اللي قالتلي عليها مو عندي
دبرت عندي اغراض من الموجود
وطبقت الفكرة الجهنمية ههههههههه
الفكرة تتكلم عن أطواق الشعر
موضة جديدة وحلوة
وطلعت اشكال في السوق كتتتيرة
بس مشكلتها لما تشتريها فين تحطيها؟؟
أنا أول شئ حطيتها في الدرج وصارت حووووسة
وبعدين جبت سلة صغنطوطة على قد الطوق وصرت احطها فوق بعض وطبعا انعدمت مررررة لأن أغلبها يكون فيها وردة كبيرة أو شرايط ....إلخ
المهم
ما حطول عليكم في الكلام>>> يعني ما طولتي؟؟
راح اشرحلكم العمل بالصور عشان يصير سهل
أول شئ جبت الاستاند حق مناديل المطبخ
7
7
7
تجيبي أكياس كتيرة وتحاولي تلفيها حول العصاية وتلطقيها بغرا أو لصقة زي كدا
طبعا تسوي طبقات كتيرة عشان يصير قد الطوق
بعد ما تخلصي من حشو العصاية بالأكياس
تجيبي وسيلة (الكرتونة اللي يكتبوا فيها في المدارس)
وتلفيها حول الأكياس زي الانبوب
وممكن تحطي أي قماش متوفر عندك زي الجينز أو التفتة وحاولي يكون القماش قوي وما يتنتف من المشط اللي في الطوق
طبعا من فوق تغطي الأكياس يأي شئ عندك
أنا حطيت قماش تل وحطيت عليه كم وردة
ممكن تحطي دبدوب إذا كانت في غرفة بنوتات
أو أي شئ انتي حابته
وهذا منظر الاستاند بعد ما حطيت فيه الأطواق
تراها مرة تحمس ومنظرها مرة حلو ع التسريحة
وتقدري تضيفي أفكار من عندك
أختي لما قالت انها سوتها بالأنبوب تبع سفرة الأكل (الكرتون) اللي يجي في اخر اللفة وحطتها جوا الدولاب
وهذه الفكرة أشيك وأحلى عشان تخليها ع التسريحة
يللا اتحفوووني بردودكم