احذرو من (زين) الوهمية << المكالمة الي صارت لي

السلام عليكم ورحمة الله



طبعا عارفين ان زين هالايام مسويه عروض وجوائز

اليوم جاني رقم غريب بدايته ......059 يعني من زين
رديت وزوجي عندي قلت يمكن وحده من البنات
الا هو هندي

قالي يا اختي هذا رقمك قلت ايه قاااال مبرووووك يا اكتي
انتي فوز بـ 200000 << ميتين الف ريال لغير الناطقات بالارقام

قلت : طيب (وجه مستغرب)


قال يا اكتي قولي الهمد لله هدا شي تيب

قلت طيب ليش ما يكلمني سعودي من زين ليش انت


قال الهيييييييين احولك على المدير

بس قبل بعطيك رقم وشوفي هو على شريحتك من وراء ولا لا بنتأكد

قلت اوكيه عطاني رقم سجلته
قال الحين قفلي وطلعي الشريحه وشوفي نفس الرقم موجود على الشريحة من وراء ولا
وانا بنتظرك خلال دقيقتين

قلت اوكيه

قفلت طلعت الشريحه طلع نفس الرقم الي قالي

زوجي حس انه نصاب بس قال كملي للاخير بشوف وش عنده

دقيت عليه قلت نفس الرقم قال يالله بحولك لمدير

وسكت شوي مافيه صوت كأنه معلقني

بعدين كلمني هندني ثاني

هههههههههه

تأكد ان الموضوع نصبه كبيره قال عطيني رقم الحساب قلت لا انا بجي اخذها
قال لا حنا نحول الفلوس بالحساب
قلت مدير زين سعودي مش هندي ليش مايكلمني سعودي

قال يا اختي انا المدير المسؤل عن الجوائز وتوزيعها

قلت لحظة زوجي بيعطيك رقم الحساب واعطيه زوجي قاله زوجي كم رقم اقامتك

قال هو انا ابي رقم حسابك علشان اعطيك الجائزة
قاله زوجي طيب بعطيك رقم الحساب بس عطني رقم اقامتك
قال انتي تبي جائزة ولا لا قال زوجي ابيها بس بتاكد من اقامتك قاله الهندي خلاص سكر سكر

عرف اننا كفشناااه

رحنا دقينا على زين وبلغناها بالرقم اكدو انها نصبه
قلنا طيب كيف عرفو الرقم الي وراء الشريحه
قال اصلا هالرقم خلف شرائح زين كلها

شفتو النصب شلون:06:

الله لايوفق هالعصابات


احذرو يا بنات طبعا هدفهم يا خذون رقم حسابنا يحولون فلوس لهم من الخارج غسيل اموال
ويسحبونها على طول يعني رقم حسابنا يصير مرور شرعي لهم قدام الحكومة

بعدين تمسكنا المباحث وتحقق معنا من وين لنا كل الفلوس


حبيت احذركم بما ان الحمله توها باديه حملة زين للجوائز يعني قدامهم وقت طويل يلعبون على خلق الله

الله يعوضني بفرحتي الله لايوفقه فرحني ثم انصدمت يارب تعوضني