السلام عليكم ورحمه الله وبركاته
انا طبعا بنقل لكم مشكله صديقتي من دون زياده ولانقصان بسبب عدم توفر خدمه الانترنت عندها
يعني بس مهمتي اسوي نسخ ولصق وياليت تعطون حلول لمشكلتها لانها متعبتها
السلام عليكم انا شابه طبعا انا وحيده امي وابي بين خمس شباب
قدر الله ان يبتليني بمرض وهو .. التبول الا ارادي .. اكثر من عشرين سنه فقط وقت النوم
يوم كنت صغيره كانو كل الاطفال يتبولون وهم نايمين بس وقت م يصلون لعمر العشر السنين ولا التسع
يوقفون وكنت الاحظ اني م زلت مستمره اتبول ع نفسي كنت افرح يجي يوم ولا يومين م اتبول ع نفسي
وشوفو هذاك اليوم كانه عيد عندي قمت وانا نظيفه واقول بنفسي خلااص راح هالشي
فجاءه يجي يوم واتبول ع نفسي ماتتخيلون الخيبه الي تسير لي اكون متبوله ع نفسي وكان احد
كاب علي مويه سطل ومن حسن حظي اني وحيده اهلي ولي غرفه لحالي ولا كانت مشكله كبيره لو عندي خوات
ومن المواقف الي ابكي منها بيوم سافرنا لمنطقه وكانت الفنادق فل ونمت مع اخواني الصغار واحد
بسادس واحد بخامس وانا كنت كبيره نمت براحه وصحيت وانا متبوله ع نفسي بسرعه اروح اغير وانا
باخر الليل واجري جري ع الغرفه واطلع من الدولاب شراشف واغطيي السرير وابخ عطر عشان الريحه
وابكييي واجلس هذاك اليوم كله سهرانه خايفه اخواني يحسون فيني بس بالصباح جات الشغاله بترتب
السرير وكان عندي اخو بثالث وشافها وهي تعرف الشغاله ومتعاطفه معي وشافها يوم تغير السرير
ضحك بصوت عالي وقال يووووه بالت قالت له الشغاله لا هذا بيبي مو هي بيبي نوم البارح وهو سويها
ونظرت فيها وابتسمت .. ومن المواقف الثانيه كنت نايمه العصر وقلت لاامي بس بنام شوي عشان انشط لانو
بيجوني بنات الجيران وبيسهرون عندي وكنت وقتها مرتبه غرفتي ومغيره الشراشف
ومعطرتها وريحتها كلها فل لانو اكيد بيدخلونها وماتوقعت اني اتبول بوقت قصير مثل هذا
يوم جو ولانهم يمنون علي وعلى امي قالت لهم امي اطلعو عندها بغرفتها صحوها هجمو علي
وكان بيغمى علي من الخوف لقيت نفسي مبلله من فوق لتحت وقمت جري وغطيت الفراش وقلت لهم
اطلعو برا شوي اججججيكم وطلعو عاد مدري عنهم شافو شي ولا شمو شي الله اعلم بس م تكلموووو
ولا قالو شي وسهرو عندي .. اقسم بالله تعبت ماني عارفه وش اسوي
وبحثت قالو هذا المرض ماله علاج يوقفه نهائي ولاعندي جراءه عشان اروح
وتجيني فترات اوقف لو شهور م اسويها بس ارجع وتتنتكس حالتي واتبوول ع نفسي
والمصيبه والادهى اني محيره لولد عمي ودايم اقولهم لا بدري بدري بس مستحيل بيطاوعوني
وانا فرحه امي الوحيده غصب عني بتزوجني بس كيف اتزوج وحالتي هذي
تخيلو لو نمت معه وصحيت ولقيت نفسي مبلله نفسي ومبلله الرجال معي
وش بيقول عني وين اودي وجهي
يابنات وربي تعبت هل لي اجر بالابتلاء هذا وهل ممكن اني اتشافي واسير انام طبيعيه ولا اخاف اني
اصحى مبلله ادعولي تكفون يمكن وحده ترفع يدها وربي يستجيب لها
والله اني حالتي كسيفه ومحد يعرف بالموضوع هذا غير صديقتي صاحبه المعرف وهي اختي الي م جابتها امي
وامي خبيت عليها قلت لها الحمدلله طبت ماعاداتبول عشان لااخليها تشيل هم
تكفون دعواتكم لييييييييييييييي
اللهم صل وسلم على نبينا محمد
استغفر الله العظيم واتوب اليه
حائره الدينا @hayrh_aldyna
عضوة جديدة
يلزم عليك تسجيل الدخول أولًا لكتابة تعليق.
happy gerl
•
الله يشفيها شفاء لايغادر سقما
عذاااب
•
الله يشفيهاااا يااارب ويعااافيهاااا
ان شاء الله بعد الزواج تتشافى
ماتدرين يمكن يكون الحل الزواج
ان شاء الله بعد الزواج تتشافى
ماتدرين يمكن يكون الحل الزواج
لاحول ولا قوة الا بالله
جربت تتعالج عند دكتور نفسي
لان التبول الا ارادي اسبابه نفسيه
من فتره في التلفزيون في برنامج طبي قالو ان في عمليه لمنع التبول الا ارادي للكبار
خليها تبحث عنها وتسأل
جربت تتعالج عند دكتور نفسي
لان التبول الا ارادي اسبابه نفسيه
من فتره في التلفزيون في برنامج طبي قالو ان في عمليه لمنع التبول الا ارادي للكبار
خليها تبحث عنها وتسأل
الصفحة الأخيرة