درب الوله @drb_alolh

عضوة نشيطة

انا طبيبه دوامي يمتد احيانا ل24 ساعه و مع هذا الروج ثااابت !! تعالو اخبركم سري ^___^

مرحبا ملااااااين بالحلوات :42:

من العنوان عرفتوا السالفه.. انا ربي يسلمكم طبيبه و دوامي العادي يكون من 7.30 لين 2.30 و في ايام يكون لمده24 ساعه.. و مع هذا روجي ثاااابت و ما يتقطع .. و بعد انا شفايفي متوسطه السمك و مع الروج تصير كاني مسويه نفخ شفايف :22:

انا كنت مثل وايد منكن.. الروج يروح بسرعه و ما يثبت .. بس مع التجربه وصلت لاحسن نتيجه.. والحينه بخبركم شنو هي الخطوات اللي اسويها كل يوم عشان احصل على شفايف مليانه ولون ثابت:

1- تعرفون كريم اساس دريم موس من مايبيلين؟ هذا اللي سوى ضجه لانه صج ممتاز.. انزين يا حلوات.. اول شي باصبعي احط من الموس على شفايفي فوق وتحت واحط كميه زينه .. يعني احط اول طبقه بعدين احط صبعي مره ثانيه في الدريم موس و ارجع احط مره ثانيه..

2- الطبقه الثانيه ارسم بواسطه قلم التحديد لونه لحمي.. في معظم الماركات بيكون اسمه (NUDE) يعني لونه مثل لون الشفايف.. معظم الوقت احط من ماركه ماكس فاكتور المحدد المقاوم للماء وهو الاحسن للحصول على الثبات.. بس احيانا استخدم addiction من ريميل لونه بعد لحمي.. يعني تقدرين تستخدمين اي محدد لحمي.. ارسمي فيه شفايفك و شوي اطلعي عن حدودها عشان يعطيج الحجم وبعدها املئي شفايفك بالمحدد..

3-حطي لون المحدد اللي على لون ثيابك.. يعني حطي محدد لونه بنفسجي او وردي او برتقالي اعتمادا اي لون مكياج حاطه في هذاك اليوم.. بعد حاولي ما تضغطين على القلم .. امشي بخفه بس عشان يضيف لون على اللون الاول وهو اللحمي..

4- باصبعج خذي شويه من الفازلين وطبطبي على شفايفك.. انتبهي طبطبي ولا تمدين..

5-باصبعج بعد خذي من لون الروج اللي تبينه ورجعي طبطبيه على شفايفج بخفه بعد عشان يصبغ اللون..

6- الخطوه الاخيره.. احيانا احط غلوس واحيانا لا خصوصا بانه الحينه نازله موضه الروج المات.. بس اذا بتحطين غلوس حطيه بفرشاته بس بالطبطبه بعد.. ترى انا لاحظت انه طريقه الطبطبه لما مفعول سحري في ثبات الروج..

هذه هذي خطواتي البسيطه اللي اسويها كل يوم.. الصراحه رهييبه.. صرت ما احتاج كل شوي اعدل من روجي.. اروح دوامي واشرب قهوه واكل فطوري و يتم الروج ثابت لين اخلص دوامي..

ترى الخطوات سهله بس بالكتابه يبينون وايد.. اتمنى تجربونهم و اي سؤال انا حاضره..

والسموحه..

درب الوله

يلزم عليك تسجيل الدخول أولًا لكتابة تعليق.

تسجيل دخول

وردة صغيرة حزينة • 17 سنة

THAAAAAANKS A LOT!!!!!!!!!!!!
عجبتني طريقتك باجربها واشوف................

عز2 • 17 سنة

ثانكس على الطريقة

رسيل* • 17 سنة

مشكوره

RAMA22 • 17 سنة

شكرا على الطريقة لاكن انا من فترة طحت على روج ثابت دلتني علية اختي طبعا من ماكس فاكتور بخمسين ريال ودوري الاصلي لان فية تقليد واذا رحتي للبائع قولي ابي روج ثابت وجربية اذا ثبت ونشف مايصير يطلع اذا لمستية باصبعك ولله الحمد اول متبهذلة اذا رحت لناس واسلم على اطفال تبين البوسة واتفشل لاكن الحين ارتحت وانصحكن فية
وايضا مرة رحت لقزاز الي بالخبر واخذت من روج ثابت مطفي الصراحة جنان ماركتة مش معروفه لاكن ثابت لو تاكلي او تطولين مايروح ابدا ..

lora18 • 17 سنة

RAMA22 :

شكرا على الطريقة لاكن انا من فترة طحت على روج ثابت دلتني علية اختي طبعا من ماكس فاكتور بخمسين ريال ودوري الاصلي لان فية تقليد واذا رحتي للبائع قولي ابي روج ثابت وجربية اذا ثبت ونشف مايصير يطلع اذا لمستية باصبعك ولله الحمد اول متبهذلة اذا رحت لناس واسلم على اطفال تبين البوسة واتفشل لاكن الحين ارتحت وانصحكن فية وايضا مرة رحت لقزاز الي بالخبر واخذت من روج ثابت مطفي الصراحة جنان ماركتة مش معروفه لاكن ثابت لو تاكلي او تطولين مايروح ابدا ..

شكرا على الطريقة لاكن انا من فترة طحت على روج ثابت دلتني علية اختي طبعا من ماكس فاكتور بخمسين...

مشكوووووره عزيزتي عالأفاده

:26: