كيف الحال ان شاءالله تكونو بالف خير وصحة انتو واللي بتحبوهم
عاملتلكم محشي ورق عنب وكوسى بتاكلو اصابعكم ورا بصراحة ما حدا أكلو الا انجن عليه بيكفي حكي ياتوتو معا حق جوزي لما يحكي (كلام النسوان مابيخلص) خخخخخخخخخخخخخخخخخ
بسم الله نبدأ
المقادير:
كاستين ونصف رز مصري(صن وايت)منقوع وامصفى منيح من المي
لحمة مفرومة
حبة بندورة كبيرة حمرا مبروشة
فصين ثوم كبار مهروسين
ملعقة كبيرة وربع بهارات مشكلة
نصف ملعقة صغيرة فلفل أسود
ربع ملعقة صغيرة كمون
ربع ملعقة صغيرة قرفة
ملعقة كبيرة هيل
ملعقة كبيرة ونصف نعنع ناشف(بعطي طعم مميز)
مكعبة ماجي
ملح
كمية من ورق الدوالي
تقريبا 15 حبة من الكوسا بين متوسطة وصغيرة الحجم
الطريقة عمل الحشوة
أنا بعملهم قبليها بيوم وبطبخهم ثاني يوم .(على شان هيك بقلب اللحمة حتى تستوي لانو بتجمع ميكروبات اذا فك التجميد عنها وما انطبخت بوقتها)
بحط زيت وبقلب اللحمة على النار على شان تستوي بعدين يطفي النار تحتها دغري بحط مكعبة الماجي على شان تذوب وبحط الثوم وبقلبو مع اللحمة والماجي وبحط البندورة المبروشة وبقلبهم بعدين بحط الرز والبهارات والنعنع والملح
بعدين بنقطع بندورة شرائح وبنصفهم بالطنجرة
جوزي مابحب أحط تحت لحمة أو جاج (مع انها بتجنن بالجاج او اللحمة)فبحط طبقة بطاطا شرائح خميلة شوي وبصلتين بقطعهم نفس الشي
بعدين بحشي الكوسى وبصفهم فوق الخضرة بعدين بلف الورق وبصفهم فوق الكوسى(طبعا بنكون سالقين الورقاذا كان طازة أما اذا كان معلب فبنغسلو منيح بس)
بعدين بغلي مي وبحط فيها مكعبة ماجي ونص وملح وبحطها على المحشي بحط صحن قزاز كبيربيغطي أكبر كمية من الدوالي وبضغط بايدي عليه لازم المي تكون مغطية اربعة صانتي من الصحن لما بتكوني ضاغطة عليه
وبتحطي ثقل فوق الصحن أنا بحط كمان صحنين فوقو على شان يضلي ضاغط الورق
ما لحقت ارتب الصحن الكبيرالكل كان ميت من الجوع (مجوعيتهم على شان ما يخلو اشي بالصحن شريرة)ههههههههه
فصورت صحن صغير بتمنى يعجبكم
يعطيكي العافيه