غلا بنت خالد @ghla_bnt_khald
محررة ذهبية
كيكتي أم لونيــن .. ماهيب من خرابيطي أبد تقولون الشيف غلا مسويتها
السلام عليكم ورحمة الله ..
:icon35:
=> ماش عندي احساس انه يقول مع السلامه أوب يهلي
(((تهقن انه حاس اني اببدا اهذر واحوس الدنيا ))
المهم مالكن بالطويله ..
في يوم من الاياام اللي ماهيب تطفش ..:f226:
الا تعالــن يابناات على طاري الطفش
=> شوفوا من اللحين اقولكن اللي مصدعه لاتقرا موضوعي ابد
بالله مالاحظتوا اني كنت ابكون بسالفه ثمن طمرت بسالفه اخاف انساها
>ماهيب حوول دلاخه :icon31:
نرجــع لموضوعنا الاصلي
=> حداهن حددي :22:
اللحين بالاجــازه وش تسون
من جد يالله الوقت طوييل ويضيع ..
حراام وربي محاسبين عليه
قاعده اقول .. الصحابه كان ماعندهم هالنعيم والترف اللي عندنا
ومع ذلك ماراحوا يدورون النعمه لا انشغلوا بالعبااده
لكن ماخلوا كل وقتهم عباده
كان حتى لهوهم عبااده سبحان الله ..
اما احنا ولااعمم الله يهدينا بس ..
العباده نفسها ماادري وشلون تؤدى فمابالك باللهو
بالله وش جدولكم انتم مثلي والا لا ؟؟
الحمدلله يوم بدت الاجازه سافرنا للمدينه ومكه و كمن ديره بالطريق ..
يوم رجعنا وقعدنا كم يووم قلنا نسجل بالدار
وسجلت واروح العصر
واجي المغرب واتقهوى ثمن اجي اجلس على النت ..
عاد اجلس عليه لين يجي النووم ..
وربي انه بلاء هالنت الله يتوب علينا
حتى لو الواحد يقعد على شئ مفيد احيانا لكن الوقت يضيع ..
=> تراها نســت انها في المطبخ تحسب انها في الفتاة المسلمه
بناات نسيت ليش اني جايه اللحين ..
اليوم جبت لكم كيكه عارفتن اني حومت كبودكم بكيكاتي بس ميخالف هذا ضريبه حب الاكل :11retcher
هذي كيكه ام لونين ..
هي نفس كيكه الشطرنج بس خليتها طبقه وحده
صراحه كيكه الشطرنح اربع كيكات
بسم الله من يبي يفك خشته وياكله هالاربع ؟؟
عز الله تشققت خشتي ولا ااكلتها :icon32:
المهم لاتفهموون انها سالفه قعــاطه لا وكلا ونو وي :biggrin2:
ماودكم نجيب الطريقه بس
=> هم اصلا من البــدايه ودهم بالطريقه وانك تصكين اثمك شوي :baby2:
طبعا اتوقع كالعاده الميمونه من منتداي الحبيب انه يبي يقول :
( الله يعافيك ياغلا ياحبيبتنا حطي الطريقه بــرد ثاني لان كلامك درر ولازم يكون برد لحاله )
لاتنسوون قلووب الحب طبعا :love:
ورجــاء لااحد يرد لين انزل طبختي لاااحوس مريرك :)
68
6K
يلزم عليك تسجيل الدخول أولًا لكتابة تعليق.
الصفحة الأخيرة
4 بيضاات .. ملعقتين فانيليا ..
نصف كاس زيت .. 3ملاعق حليب بودره ..
علبه زبادي .. كاس سكر .. ملعقه بيكنج باودر ..
بالخلاط ..بعدين نجيب العجانه ونحط فيها ..
كاس طحين وملعقتين بيكنج باودر ..
ونصب فوقه الخليط ونخلطه زين ..
وبعدين نجيب صحن ونحط فيه ملعقه كاكاو باودر ..
ونصب عليه شوي من الخليط الابيض ..
ونحركه
على كذا يبي يصير عندنا لونين لون ابيض ولون بني ..
نجيب صينيه تيفال ..وندهنها بالزيت ..
ونجيب قطعه قصدير ونلفه روول رفيع بالمره
ونسوي دويره جوا التيفال بالنص ..
فهمتن علي ؟؟
يبي يصير عندنا جوا الصينيه دايرتين
نحط بالدايره الكبيره اللي اقرب للاطراف
اللون الابيض
واللي جوا والاصغر قريب من القصدير
نصب عليه خليط الكاكاو ..
وندخله الفرن اللي نكون مشغلين عليه من دخلنا المطبخ
عاد لين يزين ؟..
اقلبيه وزينه باللي تبين ..
انا دهنتها بالنوتيلا وارش بالفستق المطحون
انا دهنت جهه صغيره بجوز الهند
عشان امي ماتحب جوز الهند وانا امووت فيه
فلازم ارضي رغبتي
كل شئ واضح لين اللحين ..
الصور عاد ..
بس على فكره ترى اختي اللي زينتهن لي ..:09:
قلت لها زينهن وحمليهن وارسليهن لي رساله خااصه في منتدانا الثاني
ماهووب عجز ترى بس قله وقت
=> امووت على التصريفه
نتفرج عاد
طريقه القصدير ..
الشكل بعد الدهن
بعد التقطيع
شوفوا اللونين بس
وش هالحووسه ؟؟
ميخالف كيفنا ..:angry2:
حنا ببيتنا ومع اهلنا
وشو نبي نكون رسميين بعد
لا والله ماعلينا قاصر
=> كني كني صقـت عليكن
وبس خلصنا ..
وعلى الله تنرسل موب مثل تو
تراني عاد ابعصب وتبي توصل معي ..
وانا ماابغى اعصب على احد
=> اللحين هي تهدد قبل ترسل عشان يخاف الموضوع
وجعلكن للعرس والرجال اللي يسعدكن يارب
خبركن بااجازه وهذي الدعاوي المناسبه :icon28:
والله اني متحسفه ماسولفت ابد :(
بس اخاف احد يرد قبل اخلص السالفه الجديده :eek:
بناااااااااات لاتنسن بعد ماتصبن الخلطه شيلن القصدير بااطراف اصابعكن او بشووكه موب تخلنه
ترى يغص بووه احد وتبلشوون بووه :eek:
=> تقولكن ضامنه احد يسوي مطاريسها