بسم الله الرحمن الرحيم...
صبحكم / مساكم الله بالخير جميع...
هذا الله يسلمكم سالفه صغيرونه صارت لي قبل كم يوم .. وتوي اكتشف شي فيها وتفششششلت وبنفس الوضع قعدت اضحك على نفسي.. قلت خلني اعلمكم واضحكم معي,,, على الاقل لو ابتسامه..:)
هذاك اليوم كنا عند خالتي وجالسين انا وياها بالمطبخ نسوي العشا عاد أنا متحمسه احب طبخ خالتي موووت
المهم ومع السوالف والحماس والوناسه,, خلاااااص خلص العشا بس بنحضره..
فجأه ...
طفت الكهرباء علينا,,,
وتعالت صيحات البزارين والجوع زاد الوضع سوء وماغير هذا يصدم هذا وهذا يكفخ هذا ولا ندري وش السوات :09:
لحوووول والعشا خلص ونبغى نتعشى من جد اوووووم الحاله...
عاد أنا قاعده بالمطبخ بالظلام واشم ريحة الأكل ضربت الفيوز عندي ههههههههه
ومع صياح البزارين وصجتهم ارتفع ضغطي وقلت هات التيليفون أدق على الكهرباء اقولهم ليش مطفينها علينا مو وقته ابد<---- يقالك ابغى اشرشحهم
ويجيبون لي التليفون عاد تخيلوا الوضع تجمعنا كلنا بالمطبخ الكل أنضم الينا
بس المشكله مو فاكره رقم الكهربا كم؟؟
أمي تقول 933
وأدق عليهم ويتكلم الرد الآلي بصوت حرمه شكلها فلبينيه تتكلم أول شي كلام مو مفهوم وعقب تتكلم انقليزي أن الخط مشغول حاول الإتصال في وقت لاحق <--- يعنني افهم انقليزي افهموا التلميح ههههههههه
المهم قلت وش الرقم ذا مو معقول شركة الكهرباء يخلون فلبينيه تتكلم اكيد انا مخبصين بالرقم
وكل شوي اعيد الرقم وترد علي هالعله يااااني حقدت عليها حقد وقتها كأنها هي السبب:mad: ههههههههههه
قلت لالا يمه شكل الرقم مو صح قالت والله مدري هو 933 ولا 993
قلت لااااا اكيد 993
وطيراااان ادق الرقم وعلى طوووووووووول رد علي رجال واحنا وضعنا جدا رديء صياح البزارين والحاله حاله
وانا معليه صوتي ومتحمسه يعنني عندي سالفه خطيره
أنا :الو
الرجال :ألو
انا: السلام عليكم
الرجال : عليكم السلام
أنا : لو سمحت أخوي احنا بحي الخالديه طافيه علينا الكهربا ليش وش السبب؟؟
الرجال : لاااااااااااااااااااا اله الا الله..<--- يستهبل
أنا : !!!!!!!! (محمد رسول الله ) "حسسني اني قلت له امك ماتت"
الرجال : يا اختي دقي على 933
أنا : وأنا داقه على مين ؟!! (انلحس مخي)
الرجال : انتي داقه على 993!!
أنا : طيب شكراَ
قفلت الخط وانا مدري على مين دقيت!!
وقتها الموضوع ماكان شاغل اهتمامي اهم شي الكهربا تشتغل ونتعشى...
وفعلاَ دقيت على الكهربا تقريبا بعدها ب40 دقيقه انحلت المشكله...
وتعشينا وعينا من الله خير ..
المهمممممم قبل شوي تذكرت السالفه قلت ايه صح انا دقيت على مين!!!!
وابحث عن الموضوع طلعت داقه على مين؟؟؟
تدرون دقيت على مين !!!!!!
دقيت على المروووووووووووور
ههههههههههههههههههههههههههههههههه
طر جيبي طراااااااااااااااااه
قسم انحرجت والسالفه راحت وخلصت بس قلت فشله من الرجال يقالك ابحل الموضوع داقه بكل حماس في الأخير طلع المرووووووووور..
يلا هذا درس عشان لا أتهور وأتأكد قبل الحماس يطغى علي...--- كله من الجوع صدز انه كافر...:icon33:
يلا هذي سالفه بسيته حبيت اوسع صدوركم فيها ...
على فكره ترى مااااارااااا احوووووووبكم....:26:
دعواتكم ان الله يعوضني خير في أيامي اللي راحت..
ويكتب لي الخير والسعاده فيما تبقى منها...
الله يجمعنا كلنا بجنات النعيم ,,,
أآآآآآآمييييييين..
☼فدِيتَنِي? بَسْ☼ @fdytny_bs_1
عضوة فعالة
يلزم عليك تسجيل الدخول أولًا لكتابة تعليق.
وردة من الجنوب
•
حلوة يعطيك العافية
الصفحة الأخيرة