خالتي اكتشفت ان زوجها مطلق قبلها تسع حريم!!!!!

كيفكم اخواتي..
عندي خاله كانت مطلقة من عشر سنوات وعندها بنت وولد وربتهم وماتزوجت
لين قبل شهور تقدم لها رجل ملتزم وسمعته بين الناس حلوه ومنصب
وقال عيالك معاك فوافقت
تعشمت فيه خير حافظ قران
وسألوا الكل مدح
من تزوجها مشغول عنها ونادرا تشوفه بالصدفة اكتشفت انه قد طلق قبلها تسع حريم واعترف وقال مالك دخل فيهم
طبعا عنده زوجة اولى وهي عارفه بكل شي وعادي عندهاتقول بكيفه اهم شي لايقصر مع عياله
خالتي مره انصدمت وظلت تبكي بالايام تقول كيف يغش الناس ولا احد يعرف عن زواجاته
وخافت وقالت ماراح ارجع مصيري مثلهم وماعاد اطيقه
اهلها يقولون وش عليك منه دام يامن لك كل شي
هي رفضت تقول لا
انا ابي احمل ولو طلقني بيوم من الايام راح يتشتتون عيالي واعاني نفس تجربتي السابقة
وانا معاها لانه مو امان ونسونجي حسبي عليه اجل تسع !!
نزلت الموضوع احذركم يابنات
قبل الوحده تتزوج تتاكد ولو حصلت سجله المدني تبحث كم متزوج ومطلق قبل تتزوجه وتتورط
انتبهوووا
والملتزمين الا من رحم ربي هم اكثر ناس من هالنوعية
بحجة انه شرع الله
يحللون لانفسهم اللعب ببنات الناس
وهو لما تقدم قال عندي زوجة فقط
حسبي ع كل كذاب